واشنگٹن : امریکی صدربراک اوباما نے کہا ہے کہ دہشتگردوں کوجڑ سے اکھاڑ پھینکیں گے، دنیا بھرمیں جہاں ضرورت ہوگی امریکا دہشتگردوں کے خلاف کارروائی کرے گا۔
وائٹ ہاؤس سے قوم سے خطاب میں امریکی صدربراک اوباما کا کہنا تھا کہ دہشتگردی کا خطرہ حقیقی ہے لیکن ہم اس پر قابو پا کرداعش سمیت دیگردہشتگرد تنظیموں کو ختم کردیں گے۔
امریکی صدر بارک اوباما نے دہشتگردی کے خاتمے کیلئے پاکستان سے ایک بار پھر ڈومور کا مطالبہ کردیا، انکا کہنا تھا کہ پاکستان دہشتگردی کے خاتمے کیلئے مزید اقدامات کرے.
اوباما نے کہا کہ دہشتگردی کے خلاف پینسٹھ سے زائد ممالک امریکا کا ساتھ دے رہے ہیں، جہاں ضرورت پڑی دہشتگردوں کے خلاف کارروائی کی جائے گی، یہ امریکا اوراسلام کےدرمیان جنگ نہیں، لاکھوں امریکی مسلمان دہشتگردی کو مسترد کرتے ہیں، امریکی مسلمان ہمارے دوست اور محب وطن شہری ہیں.
امریکی صدرکا مزید کہنا تھا کہ عراق اور شام میں داعش کیخلاف زمینی کارروائی کےبجائے فضائی حملے کرکے داعش کا خاتمہ کرکے دم لیں گے۔
