واشنگٹن : امریکی صدر ٹرمپ نے 12 ممالک پر مکمل سفری پابندی کے اقدام کا دفاع کرتے ہوئے کہا ہم اپنے ملک میں برے لوگوں کو آنے سے روکنا چاہتے ہیں۔

تفصیلات کے مطابق امریکی صدر ٹرمپ کی وائٹ ہاؤس میں جرمن چانسلر سے ملاقات ہوئی، ملاقات میں امریکی صدر نے کہا کہ جرمنی کے ساتھ اچھے تعلقات رکھیں گے، جرمنی میں امریکی فوجیوں کی موجودگی پر بات کریں گے، جرمنی کےساتھ ہمارے تعلقات اہم ہیں۔

ٹرمپ کا کہنا تھا کہ روس اور یوکرین میں جو کچھ ہورہا ہے افسوسناک ہے، میرانہیں خیال کہ روس یوکرین امن معاہدے پر دستخط کریں گے ، مصر قریبی شراکت دار ہے،وہاں چیزیں کنٹرول میں ہیں۔

مزید پڑھیں : امریکی صدر نے 12 ممالک پر مکمل سفری پابندی کا اعلان کردیا

ملاقات میں امریکی صدر نے 12 ملکوں کے شہریوں پر امریکا میں داخلے پر پابندی کے اقدام کا دفاع کرتے ہوئے کہا کہ ہم اپنے ملک میں برے لوگوں کوآنے سے روکنا چاہتےہیں، بائیڈن انتظامیہ نے کچھ خوفناک لوگوں کو امریکا آنے دیا، ہم ایسےلوگوں کو ایک ایک کر کے نکال رہے ہیں۔

ان کا مزید کہنا تھا کہ ہمارے ملک میں اس وقت ہزاروں قاتل موجودہیں، نہیں چاہتےمزید برے لوگ امریکامیں آئیں، براکہہ کرمیں کافی نرمی سے کام لے رہا ہوں۔