اسلام آباد: امریکی صدر جوبائیڈن نے صدر مملکت کو خط لکھ کر یوم پاکستان کی مبارک باد دیتے ہوئے پاک امریکا تعلقات سے متعلق بڑا بیان دے دیا ہے۔
تفصیلات کے مطابق یوم پاکستان کے موقع پر امریکی صدر جوبائیڈن نے اپنے پاکستان ہم منصب عارف علوی کو خط لکھا اور پاکستانی قوم کو یوم پاکستان کی مبارک باد دی۔
جوبائیڈن کی جانب سے لکھے گئے خط میں امریکی صدر نے کہا کہ پاکستان سے شراکت دار ی کو مستقبل میں مزید مضبوط بنائیں گے، امریکا اور پاکستان میں شراکت علاقائی امن و خوشحالی کےمقصد پر مبنی ہے۔
امریکی صدر نے لکھا کہ پاکستان کے ساتھ مل کر افغانستان میں قیام امن کیلئے کام کرتے رہیں گے اور مشترکہ چیلنجز پر قابو پانے کیلئے باہمی تعاون برقرار رکھیں گے۔
دوسری جانب قوم ملک کی ترقی اور استحکام کیلئے انتھک جدوجہد کے عزم کی تجدید کے ساتھ یوم پاکستان جوش و جذبے کے ساتھ منارہی ہے۔
یہ بھی پڑھیں: یوم پاکستان آج شایان شان طریقے سے منایا جارہا ہے
آج دن کا آغاز وفاقی دارالحکومت میں 31 اور صوبائی دارالحکومتوں میں 21-21 توپوں کی سلامی سے ہوا، نماز فجر کے بعد مساجد میں ملک کی ترقی، خوشحالی اور یکجہتی کیلئے خصوصی دعائیں مانگی گئیں۔
یہ دن 1940ء میں آج ہی کے دن تاریخی قرار داد لاہور کی منظوری کی مناسبت سے منایا جاتا ہے جس نے جنوبی ایشیاء کے مسلمانوں کے لئے علیحدہ مادر وطن کے مقصد کو حقیقت کا روپ دینے کیلئے لائحہ عمل فراہم کیا۔
US President @JoeBiden congratulated President @ArifAlvi & Pakistani Nation on #PakistanResolutionDay. He said that US-Pak partnership is based on common goal of regional peace & prosperity. US & Pak would work for peace in Afghanistan, address COVID-19 and climate change. pic.twitter.com/JsVtlGa6Vs
— The President of Pakistan (@PresOfPakistan) March 23, 2021
