تل ابیب: ایک اسرائیلی اخبار نے دعویٰ کیا ہے کہ امریکا نے اپاچی ہیلی کاپٹرز کے لیے اسرائیلی درخواست مسترد کر دی۔
الجزیرہ کی رپورٹ کے مطابق امریکا نے جنگی ہیلی کاپٹروں کی اسرائیلی درخواستوں کو مسترد کر دیا ہے، اسرائیل کے عبرانی اخبار یدیعوت احرونوتھ نے رپورٹ کیا کہ واشنگٹن نے اپاچی ہیلی کاپٹر حاصل کرنے کی تل ابیب کی درخواست مسترد کر دی ہے۔
اسرائیل غزہ میں اپنی وحشیانہ جنگ جاری رکھنے کے لیے امریکا سے مزید اپاچی ہیلی کاپٹرز کا خواست گار ہے، تاہم امریکا اس کے لیے تیار نہیں ہے، اب تک امریکا کی جانب سے اسرائیل کی جتنی فوجی امداد کی گئی ہے اس پر اسے ملک کے اندر شدید تنقید کا سامنا ہے۔
غزہ میں گزشتہ 24 گھنٹوں کے دوران 250 فلسطینی شہید ،500 زخمی
پارلیمنٹ سیشن میں اسرائیلی وزیر اعظم نیتن یاہو بوکھلاہٹ کا شکار ہو گئے
اخبار نے اسرائیلی سیکیورٹی ذرائع کے حوالے سے رپورٹ کیا کہ فی الوقت اس حساس معاملے پر حتمی بات نہیں کی گئی ہے، اور اسرائیل دباؤ ڈال رہا ہے کہ امریکا اسے مزید اپاچی ہیلی کاپٹر فراہم کرے۔
The US has rejected Israel’s request to obtain Apache helicopters as it continues its war on Gaza, reports Israeli news outlet Yedioth Ahronoth (Ynet).
LIVE updates: https://t.co/8yRfaERSdu pic.twitter.com/06uh3jZJLk
— Al Jazeera English (@AJEnglish) December 26, 2023
اسرائیلی وزیر دفاع نے گزشتہ ہفتے تل ابیب کے دورے کے دوران اپنے امریکی ہم منصب لائیڈ آسٹن کے ساتھ یہ معاملہ اٹھایا تھا۔ آسٹن نے یہ دورہ ایک ایسے وقت میں کیا تھا جب غزہ میں شہریوں کی ہلاکتوں اور گہرے ہوتے انسانی بحران پر غیر ملکی حکومتیں اور بین الاقوامی تنظیمیں سخت تشویش کا اظہار کر رہی ہیں۔