امریکی وزیر خارجہ انتھونی بلنکن نے اسرائیل کو واضح پیغام دیتے ہوئے کہا ہے کہ غزہ کی صورتحال پر اسرائیلی پالیسی میں تبدیلی نہیں آئی تو امریکی پالیسی بدل سکتی ہے۔
غیر ملکی ذرائع ابلاغ کے مطابق امریکی وزیر خارجہ انتھونی بلنکن کا کہنا تھا کہ غزہ میں امداد کی شدید ضرورت ہے۔ امریکی صدر اور اسرائیلی وزیر اعظم نیتن یاہو کے درمیان ٹیلی فونک رابطہ ہوا ہے۔
بلنکن کا کہنا تھا کہ صدر بائیڈن نے نتین یاہو کو بتایا ہے کہ غزہ میں مجموعی انسانی صورتحال ناقابل قبول ہے، معصوم شہریوں کے تحفظ کیلئے فوری جنگ بندی کی جائے اور مذاکرات کاروں کو یرغمالیوں کی واپسی کیلئے بلاتاخیر معاہدے کا اختیاردیں۔
دوسری جانب متحدہ عرب امارات نے غزہ میں غیر ملکی فلاحی ادارے کے 7 کارکنوں کی ہلاکت پر احتجاجاً اسرائیل کے ساتھ تمام سفارتی رابطے معطل کر دیے۔
عرب میڈیا کا اس حوالے سے کہنا ہے کہ اسرائیل میں تعینات اماراتی سفیر محمد الخواجہ کا اپنے بیان میں کہنا تھا کہ امدادی کارکنوں کی ہلاکت سیاہ ترین دن ہے۔
سعودی ولی عہد شہزادہ محمد بن سلمان اور اردن کے شاہ عبداللہ کے درمیان ٹیلی فونک رابطہ ہوا جس میں دونوں رہنماؤں نے غزہ میں ہونے والی پیش رفت پر تفصیلی بات چیت کی۔
اسرائیل لوگوں کا قتل عام بند کرے، ٹرمپ
سعودی عرب اور اردن کے رہنماؤں نے اتفاق کیا کہ دو ریاستی حل کی بنیاد پر مسئلہ فلسطین کا سیاسی حل تلاش کرنے ضرورت ہے۔
