واشگنٹن : امریکا کی مختلف ریاستوں میں جشن آزادی کے موقع پر فائرنگ کے واقعات میں 233 افراد جان سے گئے جبکہ چھ سو اٹھارہ افراد زخمی ہوئے۔
تفصیلات کے مطابق امریکا میں یوم آزادی کے موقع پر 3روزہ تعطیلات کے دوران مختلف ریاستوں 500 سے زائد فائرنگ کے واقعات ہوئے، ان واقعات میں امریکا بھر میں 233 افراد ہلاک جبکہ چھ سو اٹھارہ افراد زخمی ہوگئے۔
تعطیلات کے دوران امریکی ریاستوں شکاگو ، نیو یارک سٹی ، اور واشنگٹن ڈی سی میں سب سے زیادہ اموات ہوئیں، پولیس کا کہنا ہے کہ نیو یارک سٹی میں جمعہ سے پیر تک 21 فائرنگ کے واقعات میں چھبیس افراد کے زخمی ہونے کی اطلاع ملی جبکہ گذشتہ سال اس موقع پر 25 واقعات میں 30 افراد کو گولی مار دی گئی تھی۔
شکاگو میں اس سال بھی فائرنگ کے واقعات سب سے زیادہ اموات ہوئیں ، جہاں 92 افراد فائرنگ سے زخمی اور 18 ہلاکتیں ریکارڈ کی گئیں۔
4 جولائی کو ٹيکساس ميں فائرنگ کے 12 واقعات ميں 13 افراد ہلاک ہوئے جبکہ معمولی تلخ کلامی پر8 افراد کوگولياں مار کر زخمی کرديا گيا، اسی طرح ورجینیا میں نوجوان کی فائرنگ سے 6 بچے زخمی ہوگئے۔
ڈیلاس میں بھی فائرنگ سے 4 اور اوہایو میں 2 افراد ہلاک ہوگئے جب کہ اٹلانٹا میں 50 کے قریب بچوں نے مل کر ایک بچے کو ماردیا جب کہ دیگر اموات امریکا کی مختلف ریاستوں میں صرف 12 گھنٹوں کے دوران ریکارڈ کی گئیں۔
