واشنگٹن : امریکا نے پاکستان کو ایف 16 طیاروں کی مرمت کیلئے پرزوں کی فروخت کی منظوری دے دی۔
تفصیلات کے مطابق پینٹا گون کی جانب سے بیان میں کہا گیا ہے کہ پاکستان کو ایف 16 طیاروں کی مرمت کیلئے پرزہ جات کی فروخت کی منظوری دے دی گئی ہے۔
.@StateDept authorizes a Foreign Military Sales #FMS case for #Pakistan for follow on effort and consolidation of prior F-16 sustainment and support cases to support the Pakistan Air Force F-16 fleet valued at up to $450 million #FMSUpdate – https://t.co/EVALMckq23 pic.twitter.com/MFkc3vppOA
— Political-Military Affairs, US Dept of State (@StateDeptPM) September 7, 2022
پنٹاگون کا کہنا تھا کہ امریکی محکمہ خارجہ نے 450ملین ڈالر کے معاہدے کی منظوری دی ، جس کے تحت پاکستان کو ایف 16 طیاروں کی مرمت کیلئے آلات مل سکیں گے۔
امریکی محکمہ دفاع نے کہا کہ پاکستان کومتعلقہ سامان دینےکی مجازلاک ہیڈمارٹن کارپوریشن ہوگی۔
وزارتِ دفاع کی جانب سے جاری اعلامیے میں کہا گیا ہے کہ حکومتِ پاکستان کی جانب سے ایف 16 طیاروں کی دیکھ بھال اور معاونت کو برقرار رکھنے کی درخواست کی گئی تھی۔
مزید پڑھیں : امریکا کا پاکستان کے ایف 16طیاروں کیلئے تکنیکی سپورٹ کا اعلان
خیال رہے کہ جولائی 2019 میں امریکی محکمہ دفاع نے پاکستان کو ایف 16 جنگی جہازوں کی دیکھ بھال کے لیے 12 کروڑ 50 لاکھ ڈالر دینے کا اعلان کیا تھا۔
امریکی ساختہ ایف سولہ طیارے پاکستان کی فضائی جنگی صلاحیت کا سب سے اہم حصہ ہیں۔
