ہیوسٹن : امریکی کانگریس میں پاکستان کاکس کی چئیر پرسن اور ڈیموکریٹ رکن کانگریس شیلا جیکسن لی نے کہا ہے کہ امریکہ پاکستان میں جمہوری بنیادوں پر منصفانہ انتخابات کی حمایت کرتا ہے۔
تفصیلات کے مطابق امریکی کانگریس میں پاکستان کاکس کی چئیر پرسن اور ڈیموکریٹ رکن کانگریس شیلا جیکسن لی نے ڈیموکریٹ رہنما ڈاکٹر آصف قدیر کی جانب سے اپنے اعزاز میں دی گئی تقریب میں شرکت کی۔
اس موقع پر رکن کانگریس شیلا جیکسن نے اے آروائی نیوز کے نمائندے غضنفر ہاشمی سے خصوصی بات چیت کرتے ہوئے کہا کہ امریکہ پاکستان میں جمہوری بنیادوں پر منصفانہ انتخابات کی حمایت کرتا ہے۔
- Advertisement -
انہوں نے مزید کہا کہ پاکستانی عوام کو اپنے نمائندے منتخب کرنے کا موقع ملنا چاہئیے اور امریکہ عوام کی منتخب حکومت کے ساتھ مل کر کام کرتا ہے۔
