امریکا کی سپریم کورٹ نے ملک کے سابق ڈونلڈ ٹرمپ کو صدارتی انتخابات میں حصہ لینے کیلئے اہل قرار دیدیا ہے۔
غیرملکی میڈیا رپورٹس کے مطابق پیر کے روز متفقہ طور پر امریکی سپریم کورٹ نے اپنا فیصلہ سناتے ہوئے کہا کہ ڈونلڈ ٹرمپ امریکی صدارتی انتخابات کے لیے اہل ہیں۔ اب کوئی دوسری ریاست ٹرمپ کو آئین میں بغاوت کی شق کا استعمال کرتے ہوئے صدارتی ووٹنگ سے نہیں روک سکتی۔
امریکی عدالت کا اپنے فیصلے میں مزید کہنا تھا کہ ریاستوں کی سپریم کورٹ فیصلہ نہیں کرسکتیں کہ کوئی صدارتی امیدوار نااہل ہے۔
سپریم کورٹ نے پیر کے روز متفقہ طور پر کولوراڈو کی عدالت کے فیصلے کو کالعدم قرار دیا، جس میں ڈونلڈ ٹرمپ کو ریپبلکن صدارتی امیدوار کی حیثیت سے حصہ لینے سے روک دیا گیا تھا۔
فیصلے میں کہا گیا ہے کہ آئین کے تحت ریاستوں کے پاس کوئی اختیار نہیں ہے کہ اگر کوئی شخص بغاوت میں ملوث ہو بھی تو اسے وفاقی دفتر خاص طور پر ایوان صدر کے لیے نااہل قرار دینے والی شق نافذ کی جائے۔
ٹرمپ نے اس فیصلے پر اپنا ردعمل ظاہر کرتے ہوئے سوشل میڈیا پر شیئر کی جانے والی پوسٹ میں لکھا کہ ’’یہ امریکہ کی بڑی جیت ہے!‘‘
واضح رہے کہ سابق امریکی صدر ڈونلڈ ٹرمپ جو رواں سال امریکا کے صدر کا الیکشن دوبارہ لڑنے کے خواہشمند ہیں انھیں مختلف قانونی مسائل کا سامنا تھا۔
