نیویارک: یو ایس اوپن ٹینس ٹورنامنٹ کے مینز اور ویمنز سنگلز کے سنسنی خیز سیمی فائنل آج کھیلے جائیں گے۔
نیویارک میں سال کا چوتھا اور آخری گرینڈ سلم اختتامی مرحلے میں داخل ہوگیا ہے، مینز اور ویمنز سنگلز کی سیمی فائنل لائن اپ مکمل ہوگئی ہے، بارش کے خطرے کے سبب گزشتہ روز خواتین کے میچز ملتوی ہوگئے تھے، اب تمام سیمی فائنلز آج ہوں گے۔
عالمی نمبر ایک امریکہ کی سرینا ولیمز کو تاریخ رقم کرنے کے لئے مزید دو رکاوٹیں عبور کرنا ہوں گی، مردوں میں ریکارڈ گرینڈ سلم ونر سوئٹزرلینڈ کے راجر فیڈرر ہم وطن اسٹینلاس واورینکا سے ٹکرائیں گے۔
دفاعی چیمپئن کروشیا کے مارن سلچ کا مقابلہ عالمی نمبر ایک اور فیورٹ سربیا کے نوواک جوکووچ سے ہوگا۔
