The news is by your side.

Advertisement

ٹرمپ کو اپنے ہی ملازمین کی مخالفت کا سامنا

واشگٹن : ری پبلکن صدارتی امیدوار ڈونلڈ ٹرمپ کے اپنے ہی ملازمین نے ان کی حمایت کرنے سے انکار کر دیا ہے۔

ری پبلکن صدارتی امیدوار ڈونلڈ ٹرمپ کے امریکا سمیت دنیا بھر میں اربوں کے اثاثے ہیں تاہم حال ہی میں سوشل میڈیا پر جاری ہونے والی ایک ویڈیو میں ٹرمپ کے امریکا میں موجود ہوٹلز کے ملازمین کے انٹرویوز نشر کئے گئے ہیں، جس میں انہوں نے ٹرمپ کی حمایت سے انکار کیا ہے۔

ٹرمپ کے ملازمین کے بیانات ایک طرف مگر یہ بھی ایک حقیقت ہے کہ ٹرمپ نے امریکا بھر میں لاکھوں افراد کو روز گار فراہم کیا جبکہ غیر قانونی امیگرنٹس کو بھی اپنے ہوٹلز اور دیگر جگہ ملازمتیں فراہم کیں۔


مزید پڑھیں : ٹرمپ کا الزامات لگانے والی خواتین کیخلاف قانونی کارروائی کا اعلان


دوسری جانب امریکی صدارتی امیدوارڈونلڈ ٹرمپ نے ان پر الزامات لگانے والی خواتین کے خلاف انتخابات کے بعد قانونی کارروائی کی دھمکی دی ہے۔

ڈونلڈ ٹرمپ کا کہنا ہے کہ الزامات لگانے والی خواتین جھوٹی اور میری مہم کو نقصان پہنچانا چاہتی ہیں، الیکشن کے بعد اُن پر ہرجانے کا مقدمہ کروں گا۔

یاد رہے کہ امریکی اداکارہ سلمی ہائیک اور فلم اسٹار جیسکا ڈریک نے صدارتی امیدوار ڈونلڈ ٹرمپ کے کرتوتوں سے پردہ اٹھایا۔

جیسیکا ڈریک نے بتایا کہ ایک دہائی پہلے گالف کورٹ میں ٹرمپ کی پیشکش پر سخت مزاحمت کرنا پڑی تھی، ڈونلڈ ٹرمپ نے ملاقات کے لیے لالچ دی تھی، ڈنر کے بدلے دس ہزار ڈالر اور ذاتی جہاز کی پیشکش کی گئی تھی۔

جیسیکا ، اداکارہ سلمیٰ ہائیک اور ہوٹل ویٹرس سمیت دس خواتین ٹرمپ پر ناروا رویے کےالزامات عائد کر چکی ہیں۔


مزید پڑھیں : نازیبا گفتگو: ڈونلڈ ٹرمپ سے ان کے اپنوں نے بھی منہ موڑ لیا


واضح رہے کہ امریکا میں صداتی انتخاب 8 نومبر کو ہونگے تاہم ڈونلڈٹرمپ کی خواتین سےمتعلق اخلاق سے گری ہوئی گفتگو کی ویڈیو منظر عام پر آنے کے بعد ٹرمپ کو مشکلات کا سامنا ہے، ٹرمپ کی اپنی جماعت کے متعدد رہنماؤں نے ٹرمپ کی حمایت سے دستبرداری کا اعلان کردیا ہے۔

Comments

comments

یہ بھی پڑھیں