کراچی : محبت میں دھوکا کھانے والی امریکی خاتون اونیجا اینڈریو نے لڑکے سے ملاقات اور امریکی ڈالرز کی ادائیگی کا مطالبہ کردیا اور کہا کچھ بھی ہو جائے اپنی محبت حاصل کئے بغیر نہیں جاؤں گی۔
تفصیلات کے مطابق امریکی خاتون اونیجا اینڈریو نے گارڈن میں واقع پاکستانی لڑکے ندال میمن کے گھرپر ڈیرہ ڈال لیا اور فلیٹس کے پارکنگ ایریا میں کرسی ڈال کربیٹھ گئیں اور کہا کچھ بھی ہوجائے اپنی محبت حاصل کئے بغیر نہیں جاؤں گی۔
گارڈن میں ندال میمن کےگھر تالا پڑاہوا ہے اور گھر والے غائب ہیں، رات گئے پولیس امریکی خاتون کو فلیٹ سے لے گئی۔تایم کچھ دیر بعد دوبارہ خاتون فلیٹ لایا گیا اور وہاں دو اہلکار ان کی سیکورٹی پر معمور کردیے گئے۔
پولیس حکام کا کہنا ہے خاتون لڑکے سے ملاقات اور ہر ہفتے 5 ہزار امریکی ڈالرز کی ادائیگی کا مطالبہ کررہی ہے۔
خیال رہے امریکی خاتون کو کراچی آئے ہوئے ایک ماہ سے زیادہ کا عرصہ گزرچکا ہے اور وہ اپنی محبت کی تلاش میں ہیں۔
گورنر سندھ کامران ٹیسوری نے انہیں واپس جانےکا ٹکٹ بھی کروایا، جہاز میں بٹھایا گیا لیکن وہ بہانےبناکرآف لوڈ ہوگئیں اور ندال میمن کے فلیٹ تک پہنچ گئیں۔
امریکی خاتون کا ویزہ ختم ہوگیا تھا، جس پر حکومت کو کچھ دنوں کےلیے ان کا ویزہ بڑھانا پڑا۔
