جمعہ, جولائی 4, 2025
اشتہار

فیس بک کا نیا فیچر، صارفین تذبذب کا شکار

اشتہار

حیرت انگیز

واشنگٹن: سماجی رابطے کی ویب سائٹ فیس بک نے خاموشی سے ایک ایسا فیچر متعارف کروادیا ہے جو صارفین نے دیکھا اور استعمال تو کیا ہوگا مگر باقاعدہ استعمال کا طریقہ اُن کی سمجھ سے باہر ہوگا۔

تفصیلات کے مطابق سماجی رابطے کی ویب سائٹ کی دنیا میں تہلکہ مچانے والی فیس بک جہاں اپنے صارفین کے لیے نت نئے فیچرز متعارف کرواتی ہے وہیں اس بار انتظامیہ نے خاموشی سے ایک ایسا فیچر متعارف کروایا جو صارفین نے شاید استعمال کیا ہو مگر وہ اس سے تاحال ناواقف ہوں گے۔

انتظامیہ نے اس بار جو فیچر متعارف کروایا ہے وہ آپ کی نظر سے کئی بار گزرا ہوگا مگر آپ نے اُسے شاید ہی نوٹ کیا ہو۔ صارفین کو مزید بہترین سہولیات پیش کرنے کے لیے فیس بک نے بڑے الفاظ دکھانے والا خصوصی فیچر متعارف کروایا ہے۔


پڑھیں: ’’ فیس بک اہم خبروں کے لیے سب سے اہم ویب سائٹ قرار ‘‘


اس فیچر کے تحت صارف اپنی فیس بک وال پر بڑے حروف دیکھ سکتے ہیں تاہم اس نئی جدت نے صارفین کو الجھن کا شکار بھی کردیا کیونکہ اس کے بعد سے چھوٹے بڑے الفاظ دیکھنے میں آرہے ہیں۔


مزید پڑھیں: ’’ فیس بک کا زیادہ استعمال بچوں کو بدتمیز کردیتا ہے، تحقیق ‘‘


 کوئی بھی صارف اس فیچر کی سہولت کو حاصل کرسکتا ہے جس کے لیے اُسے اپنی فیس بک وال پر 35 الفاظ سے کم حروف پوسٹ کرنے ہوں گے، ایسا کرنے سے صارف کی وال پر بڑے فونٹ والا اسٹیٹس آجاتا ہے۔اگر آپ 35 الفاظ کےساتھ کوئی تصویر یا لوکیشن شامل کریں گے تو آپ کا اسٹیٹس چھوٹے حروف میں ہی نظر آئے گا۔
post-fb

انتظامیہ کی جانب سے کی گئی اس جدت کو صارفین نے الجھن کا شکار کردیا ہے اور متعدد لوگ اس کو پسند نہیں کررہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں