شوبز انڈسٹری کی نامور اداکارہ اشنا شاہ کو شادی کے بعد نئی مشکل کا سامنا کرنا پڑ رہا ہے جس کی وجہ سے انہوں نے مداحوں سے رائے مانگ لی ہے۔
حال ہی میں گالفر حمزہ امین کے ساتھ رشتہ ازدواج میں منسلک ہونے والی اداکارہ اشنا شاہ نے ٹوئٹر پر مسئلہ بیان کرتے ہوئے مداحوں سے رائے مانگی ہے۔
اداکارہ نے لکھا کہ ’مسئلہ دو نئے پالتو کتے لے کر آنا نہیں ہے بلکہ مسئلہ میرے شوہر کو دو نئے کتوں کو پالنے کے لیے راضی کرنا ہے۔‘
اشنا شاہ نے مداحوں سے اس سے متعلق مشورہ مانگتے ہوئے لکھا کہ ’کیا آپ لوگ کچھ تجاویز دے سکتے ہیں۔‘
The problem isn’t getting two new puppies.. the problem is to convince my husband to get two new puppies.
Any tips?
— Ushna Shah (@ushnashah) March 22, 2023
اداکارہ کی جانب سے ٹوئٹ کرنا تھا کہ سوشل میڈیا صارفین فوری رائے دینے لگے اور کچھ دلچسپ تجاویز بھی دیں۔
واضح رہے کہ اشنا شاہ اور حمزہ امین کی شادی کی تصاویر اور ویڈیو سوشل میڈیا پر وائرل ہوگئی تھیں جس پر اداکارہ فوٹو گرافر پر برس پڑی تھیں پھر انہوں نے معذرت کرلی تھی۔
