شوبز انڈسٹری کی معروف اداکارہ اشنا شاہ کی شادی میں شریک شوبز شخصیات کی تصاویر سوشل میڈیا پر وائرل ہوگئیں۔
اے آر وائی ڈیجیٹل کے ڈرامہ سیریل ’حبس‘ میں ’عائشہ‘ کا مرکزی کردار نبھانے والی اداکارہ اشنا شاہ گزشتہ روز معروف گالفر حمزہ امین کے ساتھ رشتہ ازدواج میں منسلک ہوئیں جس کی تصاویر اور ویڈیوز سوشل میڈیا کے مختلف پلیٹ فارمز پر وائرل ہوگئی تھیں۔
اشنا نے شادی میں سرخ رنگ کا عروسی جوڑا زیب تن کیا جبکہ ان کے شوہر کریم کلر کی شیروانی میں ملبوس تھے۔
اداکارہ کو مداحوں اور ساتھی فنکاروں کی جانب سے شادی کی مبارک باد دی گئیں جبکہ کئی شوبز اسٹارز نے اداکارہ کی شادی میں شرکت کی جس کی تصاویر وائرل ہورہی ہیں۔
اشنا شاہ کی شادی میں شوبز جوڑی علی انصاری، صبور علی، زارا نور، اسد صدیقی، حسان احمد، سنیتا مارشل، یاسر نواز، ندا یاسر ودیگر کو خوشگوار موڈ میں دیکھا جاسکتا ہے۔
علاوہ ازیں اشنا شاہ نے لباس پر تنقید کرنے والے سوشل میڈیا صارفین کو آڑے ہاتھوں لیا تھا۔
اداکارہ نے لکھا تھا کہ ’ان لوگوں سے مخاطب ہوں جنہیں میرے لباس سے مسئلہ ہے، آپ کو تقریب میں مدعو نہیں کیا تھا نہ ہی آپ نے میرے لباس کے پیسے دیے تھے، میری جیولری، جوڑا سب پاکستانی ہے، تاہم میرا دل آدھا آسٹرین ہے۔
اشنا شاہ نے مزید لکھا تھا کہ اداکارہ نے لکھا کہ بے گانی شادی میں جو مدعو نہ ہونے والے فوٹو گرافرز گھس گئے انہیں سلام پیش کرتی ہوں۔
یاد رہے کہ اشنا شاہ نے اے آر وائی ڈیجیٹل کے ڈرامہ سیریل ’حبس‘ میں عائشہ کا کردار نبھایا تھا، ڈرامے کی دیگر کاسٹ میں جاوید شیخ، فیروز خان، اسرا غزل، دانیہ انور، جینیس ٹیسا، صبا فیصل، ودیگر بھی شامل تھے۔
