نیب میں پیش نہ ہونے پر عثمان بزدار کے وارنٹ گرفتاری کا امکان

لاہور: آج نیب میں پیش نہ ہونے پر عثمان بزدار کے وارنٹ گرفتاری جاری ہونے کا امکان ہے۔

تفصیلات کے مطابق سابق وزیر اعلیٰ پنجاب عثمان بزدار کے آج نیب میں پیش نہ ہونے پر ان کے وارنٹ گرفتاری حاصل کیے جانے کا امکان ہے۔

آمدن سے زائد اثاثہ جات کیس میں عثمان بزدارآج نیب میں پیش ہوں گے، نیب نے عثمان بزدار کو آج دن 11 بجے طلب کر رکھا ہے، سابق وزیر اعلیٰ پنجاب کو آج تیرہویں مرتبہ طلب کیا گیا ہے۔

ذرائع کا کہنا ہے کہ عثمان بزدار صرف 2 مرتبہ نیب میں پیش ہوئے تھے، اس لیے اگر آج وہ نیب میں پیش نہ ہوئے تو ان کے وارنٹ گرفتاری حاصل کیے جانے کا امکان ہے۔

اسلام آباد ہائیکورٹ نے توشہ خانہ کیس ناقابل سماعت قرار دے دیا

وارنٹ گرفتاری حاصل کرنے کے بعد نیب ٹیم عثمان بزدار کو گرفتار کر لے گی، ذرائع کے مطابق یہ پہلا موقع ہے کہ نیب کسی ملزم کو طلبی کے 13 نوٹس جاری کر چکا ہے۔

Comments