The news is by your side.

Advertisement

پاکستان میں 11.10 فیصد آبادی کی ویکسینیشن مکمل

اسلام آباد : پاکستان میں 11.10 فیصد آبادی کی ویکسینیشن مکمل کر لی گئی، ملک میں ایک کروڑ 39 لاکھ 70ہزار584 افراد کی مکمل ویکسی نیشن ہوچکی ہے۔

تفصیلات کے مطابق ذرائع کا کہنا ہے کہ 11.10 فیصد ملکی آبادی کی ویکسی نیشن مکمل کرلی ہے، اس دوران 4کروڑ 78 لاکھ 2 ہزار 106 ڈوز لگائی اور ایک کروڑ 39 لاکھ 70 ہزا ر 584 افراد کی مکمل ویکسی نیشن جبکہ 3 کروڑ 79 لاکھ 23ہزار650افراد کی جزوی ویکسی نیشن ہوچکی ہے۔

صوبوں کے حوالے سے ذرائع کا کہنا تھا کہ پنجاب میں 2 کروڑ 38 لاکھ سے زائد ، سندھ میں 86 لاکھ 33 ہزار سے زائد ، کے پی میں 57 لاکھ 84 ہزار سے زائد جبکہ بلوچستان میں 66 لاکھ 13 ہزار سے زائد افراد کی ویکسی نیشن ہو چکی ہے۔

ذرائع کے مطابق اسلام آباد میں 11 لاکھ کے لگ بھگ افراد کی ویکسی نیشن ، آزادکشمیر میں 13 لاکھ 87 ہزار سے زائد افراد اور گلگت بلتستان میں 5 لاکھ 3 ہزار سے زائد افراد کی ویکسینیشن مکمل ہوگئی ہے۔

خیال رہے ملک بھر میں کورونا وائرس نے ایک بار پھر زور پکڑ لیا ہے، مریضوں کی تعداد میں اضافے کے ساتھ ساتھ اموات بھی بڑھنے لگیں، ایک دن میں 141 اموات ریکارڈ کی گئیں جبکہ 4199 افراد میں کورونا وائرس کی تصدیق ہوئی۔

این سی اوسی کے مطابق پاکستان میں کورونا کے فعال کیسز کی تعداد 91ہزار204ہے جبکہ اب تک ملک بھر میں کورونا سے تاحال 25ہزار220اموات ہوچکی ہیں۔

Comments

یہ بھی پڑھیں