The news is by your side.

Advertisement

ونیزہ احمد کی شادی کس طرح ہوئی؟

ماضی کی معروف ماڈل  اور اداکارہ ونیزہ احمد کی شادی کی خبر انکے مداحوں اور دوستوں کو اچانک ملی تھی، کئی سالوں بعد ونیزہ احمد نے اس  معاملے پرخاموشی توڑدی ہے۔ 

تفصیلات کے مطابق ونیزہ احمد نے اے آر وائی ڈیجیٹل کے پروگرام شان سحور میں میزبان ندا یاسر سے گفتگو کرتے ہوئے اپنی شادی کے بارے میں بتایا۔

انہوں نے بتایا کہ وہ اپنے شوہر کو 25 سال سے جانتی تھیں، اس وقت انہوں نے شادی کرنے کا سوچا لیکن حالات سازگار نہیں تھے۔

اس کے بعد وہ امریکا چلے گئے جبکہ ونیزہ اپنے کیریئر میں مصروف ہوگئیں۔

ونیزہ کے مطابق بہت سالوں بعد وہ واپس آئے تو انہوں نے پھر سے شادی کی پیشکش کی اور اس بار ونیزہ نے ہاں کردی۔

ونیزہ کا کہنا تھا کہ انہوں نے صرف 3 دن بعد ہی شادی کی تاریخ رکھ لی تھی کہ کہیں وہ پھر سے اپنا فیصلہ نہ بدل لیں، کیونکہ وہ شادی سے بہت خوفزدہ تھیں۔

انہوں نے مزید کہا کہ سادگی سے شادی کرنا ان کی ترجیحات میں شامل تھا لہٰذا یہ شرط تھی جو انھوں نے رکھی۔

Comments

یہ بھی پڑھیں