The news is by your side.

Advertisement

وینا ملک اور اسد خٹک نے اپنا نیا ملی نغمہ جاری کردیا

لاہور : معروف اداکارہ ویناملک اور ان کے شوہر اسد خٹک نے یوم پاکستان کے موقع پر ملی نغمہ جاری کیا ہے جسے سوشل میڈیا پرکافی پذیرائی حاصل ہو رہی ہے۔

تفصیلات کے مطابق وینا ملک اور اسد خٹک نے یوم پاکستان کے موقع پر نیا ملی نغمی جاری کیا ہے یہ دوگانہ نغمہ یہ تیرا پاکستان ہے 23 مارچ کے موقع پر ریلیز کیا گیا جس میں پاکستان کی ثقافت، خوبصورت مقامات اور نمایاں کارکردگی دکھانے والے شخصیات کو اجاگر کیا گیا ہے۔

یہ تیرا پاکستان ہے جذبہ حب الوطنی سے سرشار نغمہ ہے جس کی ویڈیو میں پاکستان کے خوبصورت مقامات کو فلمایا گیا ہے اور ملک کے چاروں صوبوں کی ثقافت کو اجاگر کیا گیا ہے۔

اس نغمے کی ویڈیو میں پاکستان میں نمایاں کارکردگی دکھانے والی شخصیات کو خراج تحسین پیش کیا گیا ہے اور بالخصوص معروف سماجی کارکن عبدالستار ایدھی کو سلام تحسین پیش کیا گیا۔

وینا ملک اور اسد خٹک کے اختلافات ایک طرف لیکن اس اہم قومی دن پر تمام اختلافات کو بھلا کر ملک کو خراج تحسین پیش کرنے کے لیے مشترکہ کاوش کو سراہا جا رہا ہے اور سوشل میڈیا پر اس نغمے کو کافی پذیرائی مل رہی ہے۔

Print Friendly, PDF & Email

Comments

comments

یہ بھی پڑھیں