پاکستان کی معروف اداکارہ وینا ملک کی جانب سے یہ انکشاف کیا گیا ہے کہ انہوں نے مشہور بھارتی رئیلٹی شو بگ باس میں دوسری بار شرکت کے لیے موصول ہونے والی پیشکش کو ٹھکرادی تھی۔
حال ہی میں ایک نجی ٹی وی کے پروگرام میں وینا ملک بطور مہمان شریک ہوئیں، جہاس پر اُنہوں نے اپنے شوبز کیریئر اور نجی زندگی کے بارے میں کھل کر بات کی۔
سینئر اداکارہ کا کہنا تھا کہ مجھے بھارت کے مشہور رئیلٹی شو بگ باس میں دوسری بار شرکت کے لیے بھی پیشکش موصول ہوئی تھی لیکن میں نے اس پیشکش کو ٹھکرا دیا تھا۔
اداکارہ کا پیشکش ٹھکرانے کی وجہ بتاتے ہوئے کہنا تھا کہ میں نے یہ پیشکش اس لیے ٹھکرائی کیونکہ میں اپنے بچوں کے ساتھ زیادہ وقت گزارنا چاہتی تھی۔
اداکارہ نے بتایا کہ میں جب بھارت میں تھی تو سلمان خان، عامر خان اور شاہ رخ خان سمیت بالی ووڈ کے کئی مشہور اداکاروں سے مل چکی ہوں۔
اُنہوں نے بالی ووڈ کے مشہور خانز کے ساتھ کام کرنے کی خواہش سے متعلق پوچھے گئے سوال کا جواب دیتے ہوئے کہا کہ ہر اداکار کی خواہش ہوتی ہے کہ بالی ووڈ کے خانز کے ساتھ کام کرنے کا موقع ملے لیکن میں خاص طور پر شاہ رخ خان کے ساتھ کام کرنا چاہتی ہوں۔
کمبھ میلے کی وائرل ’مونا لِسا‘ کو فلم میں کام مل گیا
اداکارہ نے یہ بھی انکشاف کیا کہ میں سلمان خان سے ان کے فارم ہاؤس پر بھی ملی تھیں لیکن میں نے ان سب ملاقاتوں کو کبھی بڑھا چڑھا کر پیش نہیں کیا۔ انہوں نے کہا کہ کسی چیز کو بڑھا چڑھا کر پیش کرنا میری عادت نہیں ہے۔
