رواں ہفتے کے آخر میں سیارہ زہرہ اور مشتری آسمان پر انتہائی قریب دیکھے جاسکیں گے، یہ ایک نہایت نایاب نظارہ ہوگا۔
اس ہفتے نظام شمسی کے دو روشن ترین سیارے، زہرہ اور مشتری، اس ہفتے کے آخر میں آسمان پر انتہائی قریب دیکھے جاسکیں گے۔
اگرچہ حقیقت میں یہ دونوں ایک دوسرے سے لاکھوں میل کے فاصلے پر ہوں گے لیکن دنیا پر فلک بینوں کو یہ اتنے قریب دکھیں گے کہ لگے گا یہ آپس میں ٹکرانے والے ہیں، ایسا سال میں ایک ہی بار ہوتا ہے۔
البتہ اس سال مشتری اور زہرہ ایک دوسرے سے معمول سے زیادہ قریب سے گزریں گے اور یہ منظر ممکنہ طور پر دوربین یا برہنہ آنکھوں سے دیکھا جا سکے گا۔
غیر معمولی سیاروی ترتیب کے مناظر میں زحل اور مریخ، مشتری اور زہرہ کے ساتھ میں ایک قطار میں ظاہر ہوں گے۔
آسٹریلین نیشنل یونیورسٹی کے ایک آسٹرو فزسٹ بریڈ ٹکر کا کہنا تھا کہ سیارے گزشتہ دو ہفتوں سے ایک دوسرے کے قریب حرکت کر رہے ہیں۔
انہوں نے کہا کہ اگرچہ زہرہ اور مشتری ہر چند سالوں میں ایک دوسرے کے قریب آتے ہیں، اس بار مریخ اور زحل قریب آئیں گے جو کافی نایاب ہے۔
انہوں نے کہا کہ اگر آپ کے پاس ایک ٹیلی اسکوپ، یا دوربین یا ایک اچھا کیمرا ہے، پھر آپ ایک بہتر نظارہ دیکھ سکیں گے۔
