واشنگٹن: امریکی صدر جوبائیڈن کی دکھائی نہ دینے والے شخص سے ہاتھ ملانے کی کوشش کرنے کی ویڈیو وائرل ہوگئی۔
غیر ملکی خبر رساں ادارے کے مطابق وائرل ویڈیو امریکی صدر جوبائیڈن کے شمالی کیرولینا میں یونیورسٹی کے دورے کے دوران کی ہے جہاں تقریر ختم کرنے کے بعد جوبائیڈن نے ہاتھ اس انداز میں آگے بڑھایا کہ گویا کسی سے ہاتھ ملانے کی کوشش کر رہے ہوں۔
بعد ازاں ہاتھ کچھ دیر ایسے ہی رکھ کر پیچھے کھینچ لیا اور پیچھے کی طرف مڑگئے۔
ویڈیو میں دیکھا جاسکتا ہے کہ بائیڈن نے اپنی تقریر ختم کرنے کے بعد صدر اسٹیج کے دائیں جانب مڑے اور مصافحہ کی پوزیشن میں اپنا ہاتھ بڑھایا۔
تاہم تقریب کی ویڈیو کے مطابق اسٹیج پر کوئی اور نہیں تھا اور تالیاں بجانے والے ہجوم میں سے کوئی بھی صدر سے خوشی کا تبادلہ کرنے کے لیے نہیں پہنچا۔
ٹویٹر پر شیئر کی گئی اس ویڈیو کو ایک دن میں 6 ملین سے زیادہ ویوز مل چکے ہیں۔
After Biden finished his speech, he turned around and tried to shake hands with thin air and then wandered around looking confused pic.twitter.com/ZN00TLdUUo
— Washington Free Beacon (@FreeBeacon) April 14, 2022