قومی ٹیم کے نائب کپتان شاداب خان اور فاسٹ بولر شاہین آفریدی کی گفتگو سوشل میڈیا پر وائرل ہوگئی۔
سماجی رابطے کی ویب سائٹ ٹویٹر پر شاداب خان نے شاہین آفریدی کی تصویر شیئر کی جس میں وہ گیند کی طرف دیکھ کر مسکرا رہے تھے۔
شاہین کی تصویر پر شاداب نے انہیں خوش آمدید کرتے ہوئے ٹوئٹ کی کہ کبھی مجھے بھی ایسے دیکھا کرو جیسے گیند کو دیکھ رہے ہو۔
Kabhi mujhe bhi esay dekho jesay ball ko dekh rahe ho. Welcome back @iShaheenAfridi pic.twitter.com/4NguQ5HKQE
— Shadab Khan (@76Shadabkhan) October 19, 2022
فاسٹ بولر حسن علی نے ایک تصویر شیئر کرتے ہوئے شاداب کو جواب دیا کہ ہم دیکھ لیتے ہیں آپ کو جس پر شاداب کا کہنا تھا کہ آپ تو ہمارے دل میں رہتے ہیں۔
بعد ازاں شاداب کی ٹوئٹ پر شاہین کی جانب سے بھی ایک تصویر شیئر کرتے ہوئے ردعمل کا اظہار کیا گیا جس میں شاہین کا کہنا تھا ’کچھ کہہ رہے تھے آپ شیڈی‘۔
Ek hi dil hai kitni baar jeeto gai ♥️ https://t.co/1mLEvr7CEC
— Shadab Khan (@76Shadabkhan) October 19, 2022
شاداب نے جواب دیتے ہوئے لکھا کہ ’جی ایک ہی دل ہے کتنی بار جیتو گے۔‘
واضح رہے کہ شاہین آفریدی نے افغانستان کے خلاف وارم اپ میچ میں شاندار بولنگ کی چار اوورز میں 29 رنز دے کر دو کھلاڑیوں کو پویلین کی راہ دکھائی۔
افغانستان نے جیت کے لیے قومی ٹیم کے 155 رنز کا ہدف دیا جس کے تعاقب میں پاکستان نے 19 رنز بنائے تھے کہ بارش شروع ہوگئی جس کی وجہ سے میچ منسوخ کردیا گیا۔