کرکٹ کی تاریخ متعدد ریکارڈ سے بھری پڑی ہے بہت سے منفی اور مثبت ریکارڈ بنتے اور ٹوٹتے رہتے ہیں۔
کویت میں فرنچائز لیگ کے ٹی 20 میچ کے دوران ایک بولر نے ایک اوور میں 46 رنز دے دیے جس کی ویڈیو بھی سوشل میڈیا پر وائرل ہورہی ہے۔
کویت میں فرنچائز لیگ کا ٹی ٹوئنٹی میچ ایک بولر کے لیے اس وقت ڈراؤنا خواب ثابت ہوا جب اس نے اوور کی پہلی ہی گیند ’نو بال‘ کرائی جس پر بیٹر نے چھکا مار دیا، جس کے بعد کی گیند پر 4 بائز کے رنز بھی ملے اور پھر اوور کی دیگر 5 گیندوں پر بیٹر نے 5 چھکے مارے جن میں سے ایک چھکا دوبارہ ’نوبال‘ پر مارا گیا۔
اسپن بولر نے اوور کی آخری گیند پر باؤنڈری دے کر مکمل اوور میں 46 رنز دیے۔ سوشل میڈیا پر اس میچ سے متعلق صارفین دلچسپ تبصرے کر رہے ہیں۔
46 runs in an over in a T20 match in Kuwait. (Video courtesy FanCode) #Cricket pic.twitter.com/kOwXvqDunC
— Saj Sadiq (@SajSadiqCricket) May 4, 2023
واضح رہے کہ ون ڈے انٹرنیشنل کرکٹ میں ایک اوور میں سب سے زیادہ 36 رنز دو مرتبہ بنائے گئے ہیں جبکہ ٹیسٹ کرکٹ میں ایک اوور میں سب سے زیادہ 35 رنز کا ریکارڈ ہے اور اسی طرح ٹی ٹوئنٹی فارمیٹ میں بھی 2 مرتبہ ہی ایک اوور میں 36 رنز بنائے جا چکے ہیں۔
