امریکا کی ریاست ٹیکساس میں لڑاکا طیارہ عمودی لینڈنگ کے دوران گر کر تباہ ہوگیا۔
غیرملکی خبررساں ادارے کی رپورٹ کے مطابق امریکی ریاست ٹیکساس میں قیمتی لڑاکا طیارہ ایف تھرٹی فائیو بی کریش لینڈنگ کے دوران گر کر تباہ ہوگیا۔
حادثے سے چند منٹوں قبل پائلٹ نے اجیکشن سیٹ کے ذریعے نکل کر اپنی جان بچائی۔
رپورٹ کے مطابق اسٹیلتھ فائٹر جیٹ ٹیکساس میں فورٹ ورتھ جوائنٹ ایئر بیس پر تربیتی پرواز کررہا تھا کہ اچانک عمودی لینڈنگ کے دوران تباہ ہوگیا۔
ویڈیو میں دیکھا جاسکتا ہے کہ طیارہ رن وے کی جانب اترا اور اس کے لینڈنگ گیئر نے زمین کو چھونے کے بعد تباہ ہوگیا، ویڈیو میں طیارے سے دھوئیں کے بادل اٹھٹے ہوئے دیکھے جاسکتے ہیں۔
FORT WORTH, Texas – An F-35B Lightning fighter jet from Lockheed Martin crashed during a test flight on Thursday morning.
The incident occurred around 10:15 a.m. on Naval Air Station Joint Reserve Base Fort Worth and Lockheed property. pic.twitter.com/OUihxqOKVu
— Denn Dunham (@DennD68) December 15, 2022
واشنگٹن پوسٹ کی رپورٹ کے مطابق بریگیڈیئر پینٹاگون کے ترجمان جنرل پیٹرک رائڈر کا کہنا ہے کہ فائٹر طیارہ لاک ہیڈ مارٹن کی زیر ملکیت ہے۔
انہوں نے کہا کہ کمپنی حادثے سے آگاہ ہے پائلٹ کامیابی سے باہر نکلنے میں کامیاب ہوگیا، ترجمان پینٹاگون نے یہ واضح نہیں کیا کہ حادثے میں پائلٹ زخمی ہے یا نہیں جبکہ حادثے کی وجوہات بھی سامنے نہیں آسکی ہیں۔
