ریاض: سعودی دارالحکومت میں ایک مشتعل اونٹ کی ویڈیو وائرل ہوئی ہے، جو اپنے ساربان کے قابو سے باہر نکل کر سڑک پر ٹریفک کے درمیان آ گیا تھا۔
سعودی گزٹ کے مطابق سعودی دارالحکومت ریاض میں ایک مشتعل اونٹ نے ٹریفک کا نظام درہم برہم کر دیا، جس کی ویڈیو سوشل میڈیا پر وائرل ہو گئی ہے۔
ویڈیو میں ریاض کی مرکزی شاہراہ پر سفید اونٹ کی دوڑیں دیکھی جا سکتی ہیں، اونٹ غصے میں تھا اور مسلسل ٹریفک کی مخالف سِمت میں بھاگتا رہا۔
In a similar incident, the General Department of Traffic in Riyadh said that a camel fell off a vehicle on Turki Al-Awwal Road, damaging the vehicle.
— Gurbaksh Singh Chahal (@gchahal) November 29, 2022
شاہراہ پر ٹریفک کے باعث مالک کو اونٹ کو پکڑنے میں مشکل پیش آئی تاہم کوئی بڑا حادثہ رونما نہیں ہوا، ویڈیو میں اونٹ کو گاڑی سے ٹکراتے بھی دیکھا جا سکتا ہے۔
یہ واقعہ ریاض سرکلر روڈ پر مصروف اوقات کے دوران پیش آیا، ریاض محکمہ ٹریفک نے بیان میں کہا ہے کہ مشتعل اونٹ کو جنگلی حیاتیات کے ادارے کے تعاون سے قابو کیا گیا۔
بیان کے مطابق ترکی اول روڈ پر اونٹ گاڑی سے گر گیا تھا، جس سے ایک گاڑی کو نقصان بھی پہنچا۔