آسٹریلوی اوپنر عثمان خواجہ اپنے کیریئر کی پہلی ٹیسٹ سنچری بنانے پر میدان میں ہی سجدہ ریز ہوگئے اور سنگ میل پر اللہ تعالیٰ کا شکر ادا کیا۔
سری لنکا کے خلاف پہلے ٹیسٹ میچ میں اپنے کیریئر کی پہلی ٹیسٹ سنچری بنانے پر آسٹریلوی اوپنر عثمان خواجہ میدان میں سجدہ ریز ہوگئے اور تاریخی اننگ کھیلنے پر اللہ تعالیٰ کا شکر ادا کیا۔ اس خوبصورت لمحے کی ویڈیو سوشل میڈیا پر بھی وائرل ہوگئی۔
گال میں کھیلے جا رہے ہیں پہلے ٹیسٹ میچ کے پہلے روز بائیں ہاتھ سے بیٹنگ کرنے والے 38 سالہ عثمان خواجہ نے 290 گیندوں پر ڈبل سنچری بنائی۔ انہوں نے ایک چھکے اور 16 چوکوں کی مدد سے 232 دوسوبتیس رنز اسکور کیے۔
اس شاندار اننگ کے ساتھ ہی انہوں نے کئی ریکارڈ اپنے نام کیے۔ عثمان خواجہ پہلے آسٹریلوی بلے باز بنے جنہوں نے سری لنکا کی سرزمین پر ڈبل سنچری اسکور کی۔
ایشیائی سر زمین پر وہ ڈبل سنچری بنانے والے چھٹے کینگرو بلے باز بنے۔ اس سے قبل سابق آسٹریلوی کھلاڑی مارک ٹیلر، گریگ چیپل، ڈین جونز، میتھیو ہیڈن اور جیسن گلیسپی ایشیا میں ڈبل سنچری اسکور کر چکے ہیں۔
واضح رہے کہ اسی ٹیسٹ میچ میں آسٹریلوی کپتان اسٹیو اسمتھ نے ٹیسٹ میچ میں 10 ہزار رنز مکمل کرنے کا سنگ میل بھی عبور کیا تھا۔ وہ 10 ہزار رنز کلب جوائن کرنے والے 15 ویں جب کہ آسٹریلیا کے چوتھے بلے باز بنے۔
