آزاد کشمیر میں ہر سال ایسا منفرد کرکٹ فیسٹیول ہوتا ہے جس میں کھیلنے کے لیے سمندر پار ممالک میں مقیم کشمیری ذوق وشوق سے آتے ہیں۔
رپورٹ: مبشر چوہدری
جنت نظیر آزاد کشمیر میں کوٹلی کا مشہور اور پرفضا علاقہ راج محل گوئی ایسا علاقہ ہے جس کے زیادہ تر باسی بسلسلہ روزگار بیرون ملک مقیم ہیں۔ لیکن یہ دوری ان کی اپنے وطن اور مٹی سے محبت کم نہ کر سکی اور جب بھی وطن کی یاد ستاتی ہے تو مختلف ملکوں میں مقیم یہ لوگ جمع ہو کر واپسی کا پروگرام بناتے ہیں اور اس گرینڈ میٹنگ کا بہانہ کرکٹ میچ ہوتا ہے۔
ہر سال کرکٹ فیسٹیول ایک طرح سے یہاں کی مستقل ثقافت بن گیا ہے جس میں بیرون ملک سے آئے اوور سیز اور مقامی نوجوان مقابلہ کرتے ہیں جو جیتتا ہے وہ ٹرافی اٹھاتا ہے لیکن یہ کھیل لوگوں کے دلوں کو جوڑ دیتا ہے۔
اوور سیز کشمیریوں کے لیے یہ میچ اتنا خاص ہوتا ہے کہ وہ اپنا کاروبار اور تمام مصروفیات چھوڑ کر کشمیر دوڑے چلے آتے ہیں اور جو کسی مجبوری کی وجہ سے نہ آ سکیں تو ان کو آن لائن یہ میچ دکھانے کا انتظام کیا جاتا ہے۔
یہ یچ ان سب کے لیے خاص ہوتا ہے کاروبار اور تمام مصروفیات چھوڑ کر کشمیر دوڑے چلے آٹ ہیں جو آ نہیں سکتے ہیں ان کے لیے آن لائن میچ دکھانے کا اہتمام کیا جاتا ہے۔
ہر سال آزاد کشمیر کے نوجوانوں میں بڑا مقابلہ ہوتا ہے اوور سیز اور نوجوانوں ان کا ڈھول کی تھاپ پر استقبال کیا جاتا ہے۔
اس سال بھی سعودی عرب، یو اے ای، امریکا، برطانیہ، کینیڈا یورپی ممالک سے بڑی تعداد میں وطن واپس لوٹے تو ان کا ڈھول کی تھاپ پر پرتپاک استقبال کیا گیا۔
انہوں نے گراؤنڈ میں سہولتیں نہ ہونے کے باوجود مقامی نوجوانوں کے ساتھ مل کر کرکٹ میچ کھیلا اور ان لمحات سے خوشیوں کو کشید کیا۔
اوورز کشمیریوں کا کہنا ہے کہ کھیل صحت کے لیے ضروری ہوتے ہیں، کیونکہ جہاں کھیل کے میدان آباد ہوں، وہاں اسپتال ویران ہوتے ہیں۔ یہ صرف صحتمند تفریح نہیں بلکہ دلوں کو جوڑنے اور باہمی محبت پیدا کرنے والا کھیل ہے۔
