سعودی عرب کی پہلی خاتون خلا باز ریانا برناوی نے خلا سے مسجد الحرام کے روح پرور مناظر کی ویڈیو شیئر کردی۔
تفصیلات کے مطابق ناسا، کمپنی اسپیس ایکس، کمپنی ایکسیم اسپیس اور سعودی اسپیس اتھارٹی کے مشترکہ خصوصی مشن پر جانے والے پہلی سعودی خاتون خلا باز نےانٹرنیشنل اسپیس اسٹیشن سے مکہ مکرمہ میں ایک چمکتی ہوئی مسجد الحرام کی ویڈیو پوسٹ کردی۔
ریانا برناوی کی جانب سے ٹوئٗٹر پر شیئر کی گئی ویڈیو میں زمین پر دکھنے والے اندھیرے میں بظاہر مسجد الحرام روشن دکھائی دے رہا ہے۔
ریانا برناوی نے ٹوئٹر پیغام میں لکھا کہ ‘ آج اپنا تجربہ مکمل کرنے کے بعد ہم مکہ مکرمہ کے اوپر سے گزرے جو کافی روشن ہے’۔
بعد ما خلصت تجاربي لليوم صادف مرورنا فوق مكة المكرمة ،
نور على نور ✨ #نحو_الفضاءMakkah from the space ✨#KSA2Space pic.twitter.com/rh3kZnJw0N
— RAYYANAH BARNAWI (@Astro_Rayyanah) May 26, 2023
خیال رہے امریکا سے تعلق رکھنے والی کمپنی ایکسیم اسپیس کی جانب سے سعودی عرب کا مشن آئی ایس ایس کے لیے روانہ کیا گیا تھا ، سعودی عرب سے تعلق رکھنے والی ریانا برناوی سمیت 3 خلانورد اس مشن کا حصہ ہیں۔
یاد رہے اپریل میں اماراتی خلا باز نے بین الاقوامی خلائی اسٹیشن (آئی ایس ایس) سے مسجد الحرام اور مسجد نبوی کے مناظر کی ویڈیو شیئر کی تھی۔
