نیو یارک: امریکا میں سپر اسٹور میں دھڑلے سے چیزیں لوٹنے والے ڈاکو کی اسٹور میں موجود ملازم اور سکھ شخص نے درگت بنادی۔
رپورٹ کے مطابق امریکا میں دکانوں پر چوری اور مسلح ڈکیتیوں کے واقعات میں اضافہ ہورہا ہے جو دکانوں کے مالکان اور خوردہ فروشوں کے لیے تشویش کا باعث بن رہے ہیں۔
اس طرح کے واقعات کی سوشل میڈیا پر متعدد ویڈیوز سامنے آچکی ہیں جن میں صارفین، عملہ اور دکان کے مالکان کو اس طرح کے حملوں کا نشانہ بناتے ہوئے دکھایا گیا ہے۔
تاہم اس بار ڈاکو اسٹور میں موجود لوگوں کے ہاتھ آگیا، رپورٹ کے مطابق ایک چور نے کیلیفورنیا میں 7 الیون اسٹور پر حملہ کیا تو ایک سکھ شخص نے موقع دیکھتے ہی چور کی ڈنڈے سے پٹائی کردی۔
Sikh grocery store owner was told that "there ain't nothing you can do" repeatedly and that "ayy, just let him go" as they were being robbed. The Sikhs disagreed. pic.twitter.com/ZIb5CVLMNl
— Ian Miles Cheong (@stillgray) August 2, 2023
اس واقعے کی ایک ویڈیو جو سوشل میڈیا پر وائرل ہوئی ہے جس میں ایک نقاب پوش چور کو اسٹور سے مصنوعات کو ایک بڑے کوڑے دان میں پھینکنے کی کوشش کرتے ہوئے دکھایا گیا ہے۔
ویڈیو میں دیکھا جاسکتا ہے کہ چور نے اسٹور کے مالک کو کئی بار ہتھیار سے دھمکایا اور ایک ملازم کو پیچھے ہٹنے کا کہا۔
اسٹور میں موجود سکھ شخص کو مالک کی جانب سے پیچھے ہٹنے کا کہتے ہوئے بھی سنا جاسکتا ہے، تاہم ملازم نے ڈاکو کو بازوؤں سے دبوچ لیا جس کے بعد سکھ شخص نے چور کو موٹے ڈنڈے سے متعدد بار مارا۔
وائرل ہونے والی اس ویڈیو میں بہت سے لوگوں نے سکھ آدمی کی بہادری کی تعریف کی ایک اور صارف نے کہا یہ بہترین ویڈیو ہے کبھی بھی پنجابی کے ساتھ کوئی گڑ بڑ نا کریں، تمام ہیرو ٹوپیاں نہیں پہنتے کچھ پگڑیاں باندھتے ہیں۔
