پاکستان سپر لیگ شروع ہونے میں صرف تین روز باقی ہیں لیکن اس کے آغاز سے قبل ہی سوشل میڈیا پر ایک گیت لیک ہوگیا جس کو پی ایس ایل کا آفیشل ترانہ کہا جا رہا ہے۔
سماجی رابطوں کی ویب سائٹ ٹوئٹر پر مختلف اکاؤنٹس سے گانے کے کچھ چھوٹے کلپ وائرل ہوئے ہیں جن کے بارے میں کہا جا رہا ہے کہ یہ پی ایس ایل 8 کا آفیشل ترانہ ہے جس کی ریکارڈنگ کے دوران ویڈیو بنا کر لیک کیا گیا ہے۔
Psl 8 Anthem video shoot leaked pic.twitter.com/q1Q825oMo4
— Huzaifa khan (@HuzaifaKhan021) February 9, 2023
ویڈیو میں دیکھا جا سکتا ہے کہ ایک قدرے اونچے اسٹیج پر عبداللہ صدیقی سمیت دیگر فنکار گانے پر پرفارم کر رہے ہیں جب کہ نیچے شائقین کھڑے اس سے لطف اندوز ہو رہے ہیں جب کہ عقب میں آتشبازی کا بھی مظاہرہ کیا جا رہا ہے۔
مذکورہ گیت کے کلپس ’’پی ایس ایل 8 کے ترانے کا شوٹ لیک‘‘ کے عنوان سے شیئر کیا گیا ہے۔
PSL 8 ANTHEM LEAKED#PSL8 #PSLAnthem pic.twitter.com/4Kduzf4jrA
— Sarcaxxm (@5arcaxxm) February 9, 2023
اس سے قبل پی ایس ایل کے انسٹاگرام اکاؤنٹ پر اعلان کیا گیا تھا کہ ترانہ عبداللہ صدیقی، فارس شفیع، عاصم اظہر اور شے گل کی آواز میں ریلیز کیا جائے گا۔
واضح رہے کہ پی ایس ایل سیزن 8 کا آغاز 13 فروری کو ملتان میں ہو رہا ہے جس کی تیاریاں آخری مراحل میں داخل ہوچکی ہیں۔ افتتاحی میچ دفاعی چیمپئن لاہور قلندر اور میزبان ملتان سلطانز کے درمیان کھیلا جائے گا۔
سوشل میڈیا پر وائرل ان ویڈیو کلپس کو لاکھوں صارفین دیکھ اور پسندیدگی کا اظہار کرچکے ہیں۔