کراچی : امریکی خاتون سے ہمدردی میں علاقے کی رشتے والی پہنچ گئیں اور پیشکش کی کہ اگر خاتون چاہے تو میں اس کا رشتہ پاکستانی لڑکے سے کروا سکتی ہوں۔
تفصیلات کے مطابق کراچی میں امریکی خاتون کی گارڈن کے فلیٹ میں موجودگی کی خبر سن کر علاقے میں رشتہ کرانے والی خاتون اپارٹمنٹ پہنچ گئی
خاتون نے کہا کہ اگر امریکی خاتون چاہے تو میں اس کا رشتہ پاکستانی لڑکے سے کروا سکتی ہوں، ایک پاکستانی لڑکا امریکا میں ہی ہیں۔
خاتون سے جب رشتہ کرانے کی فیس سے متعلق سوال کیا گیا تو ان کا کہنا تھا کہ جو جتنے پیسے دے دیتا ہے لے لیتی ہوں کیونکہ میں خود غریب ہوں۔
یاد رہے امریکی خاتون اونیجا اینڈریو نے گارڈن میں واقع پاکستانی لڑکے ندال میمن کے گھرپر ڈیرہ ڈال لیا اور فلیٹس کے پارکنگ ایریا میں کرسی ڈال کربیٹھ گئیں۔
دوسری جانب عشق کا جھانسہ دے کر خاتون کو امریکا سے کراچی بلانے والا نوجوان بھاگ گیا اور گھروالوں کو لے کرجس گاڑی میں نکلا وہ اسی کے نام رجسٹرڈ ہے۔
مزید پڑھیں : امریکی خاتون کو جھانسہ دے کر نوجوان ندال میمن کیسے فرار ہوا؟ فوٹیج سامنے آگئی
پولیس حکام کا کہنا ہے خاتون لڑکے سے ملاقات اور امریکی ڈالرز کی ادائیگی کا مطالبہ کررہی ہے۔
خیال رہے 33 سالہ خاتون کو انیس سال کے نوجوان سے عشق امریکا سے کراچی کھینچ لائی اور دوبچوں کی ماں امریکا واپس جانے سے صاف انکار کردیا ہے۔
امریکی خاتون کو کراچی آئے ہوئے ایک ماہ سے زیادہ کا عرصہ گزرچکا ہے اور وہ اپنی محبت کی تلاش میں ہیں۔
گورنر سندھ کامران ٹیسوری نے انہیں واپس جانےکا ٹکٹ بھی کروایا، جہاز میں بٹھایا گیا لیکن وہ بہانےبناکرآف لوڈ ہوگئیں اور ندال میمن کے فلیٹ تک پہنچ گئیں۔
امریکی خاتون کا ویزہ ختم ہوگیا تھا، جس پر حکومت کو کچھ دنوں کےلیے ان کا ویزہ بڑھانا پڑا۔
