کراچی : ڈی آئی جی ٹریننگ فیض اللہ کوریجو نے اسلام آباد میں سندھ پولیس کے اہلکار کو تھپڑ مارنے کی ویڈیو وائرل ہونے کا نوٹس لے لیا۔
تفصیلات کے مطابق اسلام آباد میں سندھ پولیس کے اہلکار کو تھپڑ مارنے کی ویڈیو وائرل ہوگئی، ڈی آئی جی ٹریننگ فیض اللہ کوریجو نے ویڈیو وائرل ہونے پر نوٹس لیا۔
ڈی آئی جی ٹریننگ نے کہا کہ سندھ سے ایلیٹ کورس کیلئے جوان اسلام آباد گئے تھے اور ٹریننگ پر جانیوالے تمام جوان پاس آؤٹ ہوچکے ہیں۔
- Advertisement -
ڈی آئی جی کا کہنا تھا کہ کسی کو ہاتھ اٹھانے کی اجازت بالکل بھی نہیں، کوئی شکایت ہو تو کوڈ آف کنڈکٹ موجود ہے، سرعام کسی کو تھپڑ مارنا اچھا عمل نہیں تاہم واقعے سے متعلق تحقیقات کر رہے ہیں۔
