لودھراں: پشاور سے کراچی جانے والی تیز گام ایکسپریس میں آگ لگ گئی، تیزگام کو پنجاب کے شہر لودھراں میں روک کر ریسکیو آپریشن کیا گیا۔
تفصیلات کے مطابق خیبر پختون خوا کے شہر پشاور سے کراچی آنے والی تیز گام ایکسپریس میں آتش زدگی کے باعث ریل گاڑی لودھراں میں روک لی گئی۔
ریسکیو ذرایع کا کہنا ہے کہ تیز گام ایکسپریس میں آگ کوچ نمبر 20 میں لگی، آگ لگنے پر تیز گام ایکسپریس کو بستی دوران والا پھاٹک کے قریب روک لیا گیا۔
تیز گام ایکسپریس ٹرین میں وی آئی پی سیلون مکمل طور پر جل گیا، یہ وی آئی پی سیلون کراچی سے ڈی ایس (ڈویژنل سپرنٹنڈنٹ) ریلوے کو لینے کے لیے لگایا گیا تھا۔
ریسکیو ذرایع نے بتایا کہ آتش زدگی کے بعد وی آئی پی سیلون تیز گام ایکسپریس سے الگ کر دیا گیا ہے۔
یہ بھی پڑھیں: شیخ رشید وزیر اعظم کا خصوصی پیغام لے کر کل ایران روانہ ہوں گے
خیال رہے کہ وزیر ریلوے شیخ رشید کل تین روزہ سرکاری دورے پر ایران روانہ ہو رہے ہیں، جہاں وہ اہم شخصیات سے ملاقات کریں گے، اور ایرانی صدر حسن روحانی کو وزیرِ اعظم عمران خان کا خصوصی پیغام پہنچائیں گے۔
شیخ رشید قازوین تا رشت ریلوے روٹ کی افتتاحی تقریب میں بھی شریک ہوں گے، ایرانی حکومت نے وزیر ر یلوے کو تقریب میں شرکت کی دعوت دی ہے۔
