بھارت میں دلہن نے اسٹیج پر ہوائی فائرنگ کی تو دلہا سہم گیا جس کی ویڈیو سوشل میڈیا پر وائرل ہوگئی۔
بھارت میں شادی کی تقریبات کے دوران مضحکہ خیز واقعات کی ویڈیو اکثر سوشل میڈیا کی زینت بن جاتی ہیں جسے دیکھ کر صارفین بے ساختہ قہقہے لگانے پر مجبور ہوجاتے ہیں۔
ایسی ہی ایک ویڈیو سوشل میڈیا پر وائرل ہورہی ہے جو بھارتی ریاست اترپردیش سے سامنے آگئی ہے۔
ویڈیو میں دیکھا جاسکتا ہے کہ اسٹیج پر دلہا اور دلہن بیٹھے ہیں ایک شخص دلہن کو ریوالور لاکر دیتا ہے جس پر دلہن کی جانب سے چار راؤنڈ فائر کیے جاتے ہیں۔ جیسے ہی دلہن فائرنگ کرتی ہیں تو دلہا سہم سا جاتا ہے۔
VIRAL VIDEO: In Uttar Pradesh's Hathras, bride fires 4 rounds of shots in the air during her wedding ceremony pic.twitter.com/bESwsxNpVW
— The New Indian (@TheNewIndian_in) April 9, 2023
میڈیا رپورٹس کے مطابق شادی میں فائرنگ کے واقعے کا مقدمہ درج کرلیا گیا ہے جبکہ پولیس کے حرکت میں آنے کے بعد دلہن فرار ہوگئی۔
سوشل میڈیا صارفین کی جانب سے بھی ویڈیو پر دلچسپ تبصرے کیے جارہے ہیں۔
ایک صارف نے لکھا کہ ’اب اس دلہن کے پاس سب سے پیار کرنے والی اور خیال رکھنے والی ساس ہوگی۔‘
دوسرے صارف نے لکھا کہ ’بے چارہ دلہا۔‘ تیسرے صارف نے لکھا کہ ’دلہے کے چہرے پر یہ تاثر ہے کہ میرا کس سے پالا پڑ رہا ہے۔
