موٹر سائیکل سوار نے چالان سے بچنے کے لیے انوکھا طریقہ اختیار کرلیا جس کی ویڈیو سوشل میڈیا پر وائرل ہوگئی۔
وائرل ویڈیو بھارت سے سامنے آئی جس میں دیکھا جاسکتا ہے پولیس اہلکار تیز رفتار پر موٹر سائیکل سوار کا پیچھا کررہے ہیں تاکہ اس کا چالان کرسکیں لیکن نوجوان نے چالان سے بچنے کے لیے انوکھا طریقہ اختیار کرلیا۔
پولیس اہلکاروں نے جب موٹر سائیکل سوار کو روک لیا تو وہ بھی رکنے کی اداکاری کرتا رہا اور جیسے ہی ایک اہلکار موٹر سائیکل سے اترا تو اس نے دوسری سائیڈ سے موٹر سائیکل دوڑا دی۔
ویڈیو میں واضح دیکھا جاسکتا ہے کہ پیچھے دو اور پولیس اہلکار آرہے تھے وہ بھی اسے پکڑنے میں ناکام رہے اور وہ ان سے اپنی جان چھڑا کر بھاگ نکلا۔
مذکورہ ویڈیو کو فوٹو اور ویڈیو شیئرنگ ایپ انسٹاگرام پر شیئر کیا گیا جسے اب تک 19 لاکھ کے قریب لوگ دیکھ چکے ہیں اور اس پر دلچسپ تبصرے بھی کررہے ہیں۔
ایک صارف نے لکھا کہ ’موٹر سائیکل سوار جان ابراہیم کی فلم دھوم سے متاثر لگتا ہے۔‘ اور ایک صارف نے لکھا کہ یہ اسے نہیں پکڑسکے تو ملزمان کو کیسے پکڑیں گے۔‘
