ممبئی: بالی ووڈ کے معروف اداکار رنویر سنگھ اور دپیکا پڈوکون کے گانے ’کرنٹ لگا رے‘ کو سوشل میڈیا صارفین نے ساؤتھ انڈین اسٹار ’الو ارجن‘ کے معروف گانے کی کاپی قرار دے دیا۔
بھارتی میڈیا رپورٹس کے مطابق اداکار رنویر سنگھ، پوجا ہیگڑے اور جیکولین فرنینڈس کی فلم ’سرکس‘ 23 دسمبر کو سنیما گھروں کی زینت بنے گی، فلم کو روہٹ شیٹی نے پروڈیوس کیا ہے۔
’سرکس‘ کے گانے ’کرنٹ لگا رے‘کو سوشل میڈیا صارفین نے ساؤتھ انڈین سپر اسٹار الو ارجن کی فلم ’سرائنوڈو‘ کے مشہور گانے کی کاپی قرار دیا ہے۔
View this post on Instagram
’کرنٹ لگا رے‘ کو سوشل میڈیا انفلوئنسر کی جانب سے الو ارجن کے گانے کے ساتھ ایڈٹ کرکے شیئر کیا گیا جسے دیکھ کر صارفین کا کہنا ہے کہ ’گانے میں ٹیون کو کاپی کی کیا گیا ہے۔‘ تاہم اس کی تصدیق نہیں ہوسکی ہے۔
ایک صارف نے لکھا کہ ’کھودا بالی ووڈ نکلا ساؤتھ۔‘ دوسرے صارف نے لکھا کہ ’جب میرے تیلگو دوست نے کہا کرنٹ لگا رے بلاک بسٹر ہے۔‘
View this post on Instagram
تیسرے صارف نے برہمی کا اظہار کرتے ہوئے کہا کہ ’میں یہی سوچ رہا تھا کہ یہ گانا میں نے کہا سنا ہے اب پتا چلا یہ الو ارجن کی فلم سے کاپی کیا گیا ہے۔‘
سوشل میڈیا صارفین کی جانب سے بالی ووڈ اور ’سرکس‘ میں اس گانے کو کاپی کرنے پر رنویر اور دپیکا پڈوکون پر بھی تنقید کی جارہی ہے۔
