The news is by your side.

’میرا دل یہ پُکارے آجا‘ مادھوری ڈکشت کی ویڈیو وائرل

ماضی کے مشہور گانے ’میرا دل یہ پکارے آجا‘ پر رقص کرکے مشہور ہونے والی عائشہ المعروف مانو کے دھوم بھارت میں بھی مچ گئی۔

گانے ’میرا دل یہ پُکارے آجا‘ پر باربی ڈول کترینا کیف کے بعد دھک دھک گرل مادھوری ڈکشت نے بھی پرفارم کیا جس کی ویڈیو سوشل میڈیا پر وائرل ہورہی ہے۔

ویڈیو میں مادھوری ڈکشت کو اپنے انداز میں گانے پر رقص کرتے دیکھا جاسکتا ہے۔

مادھوری کی اس ویڈیو کو اب تک لاکھوں کی تعداد میں صارفین دیکھ چکے ہیں اور اس پر ملے جلے ردعمل کا اظہار کیا جارہا ہے۔

سوشل میڈیا صارفین نے لکھا کہ ’مادھوری کے ڈانس کے بعد عائشہ المعروف مانو مزید مشہور ہوجائیں گی۔

واضح رہے کہ ڈانس کی ویڈیو وائرل ہوتے ہی عائشہ راتوں رات اسٹار بن گئیں اور ان کے ٹک ٹاک اور انسٹاگرام فالوورز میں بھی اضافہ ہوا ہے۔

گزشتہ دنوں عائشہ نے اے آر وائی ڈیجیٹل کے پروگرام ’گڈ مارننگ پاکستان‘ میں شرکت کی تھی۔

انہوں نے بتایا کہ ’بچپن کی دوست کی شادی میں انہی کی خواہش پر اس گانے پر رقص کیا تھا، پریکٹس کسی دوسرے گانے کی کررکھی تھی لیکن تیاری کے بغیر اس گانے پر ڈانس کیا اور ویڈیو وائرل ہوگئی۔

عائشہ کا کہنا تھا کہ وائرل ویڈیو کو والدین سمیت دیگر اہل خانہ اور سوشل میڈیا صارفین کے جانب سے خوب پسند کیا گیا۔

مانو کا کہنا تھا کہ ’والدین نے مجھے کچھ نہیں کہا بلکہ انہوں نے حوصلہ افزائی کی لیکن خاندان میں کچھ لوگ خفا ہوئے لیکن ہم نے انہیں جواب دینا مناسب نہیں سمجھا۔

Comments

یہ بھی پڑھیں