بالی ووڈ کے سینئر اداکار نصیر الدین شاہ دہلی ایئرپورٹ پر سیلفی بنوانے کے خواہشمند مداح پر برس پڑے جس کی ویڈیو وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکار نصیر الدین شاہ کی ویڈیو وائرل ہورہی ہے جس میں انہیں سیلفی لینے کے خواہشمند مداح پر غصہ کرتے دیکھا جاسکتا ہے۔
وائرل ویڈیو میں نصیر الدین شاہ کو یہ کہتے سنا جاسکتا ہے کہ ’آپ لوگوں نے موڈ خراب کردیا، ایک دفعہ جو بات کی جائے آپ لوگ سمجھتے نہیں ہیں۔‘
اداکار کو غصے میں دیکھ کر وہاں موجود فوٹو گرافرز کو یہ کہتے سنا جاسکتا ہے کہ ہٹ جائیں وہ منع کررہے ہیں تو انہیں پریشان نہیں کریں۔
نصیر الدین شاہ کی ویڈیو سوشل میڈیا پر ویڈیو وائرل ہورہی ہے اور صارفین اداکار کے طرز عمل کی حمایت کررہے ہیں۔
ایک صارف نے لکھا کہ ’نصیر الدین شاہ غصہ کررہے ہیں تو صحیح ہی کررہے ہوں گے کوئی نہ کوئی وجہ ہوگی۔‘ دوسرے صارف نے لکھا کہ ’جب وہ منع کررہے ہیں تو انہیں تنہا چھوڑ دیں۔‘
