اسلام آباد: 9 مئی کو سوشل میڈیا پر وائرل ہونے والی خاتون کی تصویر جعلی نکلی، فرانسسی ٹی وی چینل France 24 نے کھوج لگا لی، ثابت کر دیا کہ تصویر آرٹیفیشل انٹیلی جنس سے تخلیق کردہ ہے۔
تفصیلات کے مطابق سابق وزیر اعظم عمران خان کی گرفتاری کے بعد 9 مئی کو شروع ہونے والے پرتشدد واقعات، توڑ پھوڑ اور جلاؤ گھیراؤ کے واقعات کے دوران سوشل میڈیا پر مختلف نوعیت کے حقائق کے برعکس معلومات، دعوؤں اور تصاویر کی گردش کا سلسلہ شروع ہوا۔
اس دوران صنف آہن کے عنوان سے ایک خاتون کی تصویر بھی سوشل میڈیا پر گردش کرتی رہی، جس میں ایک خاتون سیکیورٹی اہل کاروں کے سامنے کھڑی ہے، سابق وزیر اعظم عمران خان نے بھی اپنے ٹویٹر اکاؤنٹ سے اس تصویر کو ٹویٹ کر کے خواتین کی جدوجہد کو سراہا۔
تاہم فرانس کے ٹی وی چینل 24 نے اس حوالے سے تحقیق کی، تو حقائق قطعی مختلف نکلے، تحقیق سے یہ چیز سامنے آئی کہ یہ تصویر آرٹیفیشل انٹیلی جنس سے تخلیق کردہ ہے اور یہ تصویر حقیقی نہیں نہ ہی کسی کیمرا مین کی کھینچی ہوئی ہے۔
حقیقی آزادی کیلئے جس انداز میں پاکستانی خواتین کھڑی ہوئی ہیں، انہیں ہمیشہ یاد رکھا جائے گا اور (انکی یہ ثابت قدمی) ہماری جمہوری تاریخ کا حصہ بنے گی۔
اس کے ساتھ ہمارے سیکیورٹی اہلکاروں کی بربریت اور ہماری خواتین کو تکلیف پہنچانے، انہیں اذیت دینے اور ان کی تذلیل کرنے کیلئے جس بے… pic.twitter.com/usweizw9gw
— Imran Khan (@ImranKhanPTI) May 19, 2023
چیئرمین تحریک انصاف عمران خان نے 19 مئی رات گیارہ بجے ایک ٹویٹ میں اسی تصویر کا استعمال کرتے ہوئے خواتین کو حقیقی آزادی کا مظہر اور صنف آہن قرار دیا تھا۔
