سوشل میڈیا پر مشہور ہونے کے لیے نوجوان حیران کُن کرتب دکھاتے ہیں اور ان کی ویڈیو دیکھ کر لوگ حیران رہ جاتے ہیں۔
حال ہی میں ایسی ہی ویڈیو اور تصاویر چین سے سامنے آئی ہے جس میں ایک نوجوان نے بلند و بالا عمارت کے بیرونی حصے سے ہاتھوں کے بل پر اتر کر دیکھنے والوں کو حیران کردیا۔
ویڈیو میں موجود شخص کو 37 منزلہ عمارت سے پلرز کے ذریعے اترتے دیکھا گیا جسے دیکھ کر کہیں لوگ حیران تو کہیں خوفزدہ ہوگئے۔
اس شخص کو چند روز پہلے ہی چینی شہر گوئی یانگ میں دیکھا گیا جہاں وہ ایک بلند و بالا عمارت سے ہاتھوں کے بل اتررہا تھا، لوگوں نے خوفزدہ ہوکر فائر فائٹرز کو کال کی تاہم اس شخص نے کسی کی مدد لینے سے بھی انکار کردیا۔
تصاویر اور ویڈیوز وائرل ہونے کے بعد سوشل میڈیا صارفین نے اس شخص کو حقیقی زندگی کے ’اسپائیڈر مین‘ کا نام دیا۔
چینی شخص کی یہ کرتب دکھانے کی وجہ تو سامنے نہیں آسکی لیکن سوشل میڈیا صارفین نے اس پر ملے جلے ردعمل کا اظہار کیا ہے۔
