عمان میں عمارت کے ملبے میں پھنسی شیر خوار بچی معجزاتی طور پر بچ گئی جس کی ویڈیو وائرل ہورہی ہے۔
غیرملکی خبررساں ادارے کی رپورٹ کے مطابق عمان میں چار منزلہ عمارت گرنے کے تیس گھنٹے بعد شیر خوار بچی کو ملبے سے زندہ نکال لیا گیا جبکہ حادثے میں 14 افراد ہلاک ہوگئے تھے۔
شیر خوار بچی کی شناخت چار ماہ کی ملک کے نام سے ہوئی ہے۔
عمان کے جبل الویبدہ میں رہائشی عمارت گر گئی تھی اس سانحے میں 14 افراد ہلاک ہوئے جبکہ بچی معجزاتی طور پر بچ گئی۔
وائرل ویڈیو میں دیکھا جاسکتا ہے کہ ریسکیو اہلکار ملبے سے بچی کو نکالنے پر محفوظ مقام پر منتقل کررہے ہیں۔
لحظة اخراج الطفلة ملاك من تحت الانقاض .. لحظات لن تنسى في ذاكرتنا وصورة ملاك ذات الاربعة شهور ستبقى ايقونة للامل والحياة ،،،#الأمن_العام #الدفاع_المدني #الأردن pic.twitter.com/8XQmhxx511
— الدفاع المدني الاردني (@JoCivilDefense) September 14, 2022
رپورٹ کے مطابق بچی کو طبی امداد کے لیے اسپتال منتقل کردیا گیا ہے۔
والدہ بچی کی اپنی دوست کے پاس عمارت کے تہہ خانے میں چھوڑ گئی تھی کیونکہ انہیں کاروبار کے لیے آرڈر ڈیلیور کرنا تھا کہ اچانک عمارت گر گئی۔
والدہ نے میڈیا سے گفتگو کرتے ہوئے کہا کہ مجھے یہ احساس تھا کہ وہ زندہ ہے اور میرے شوہر نے مجھے یقین دلایا تھا کہ وہ ہمارا انتظار کر رہی ہے۔