بھارت میں بیوی نے میکے سے آنے سے انکار کیا تو شوہر احتجاجاً ٹرانسمیشن ٹاور پر چڑھ گیا جس کی ویڈیو وائرل ہوگئی۔
بھارتی میڈیا رپورٹس کے مطابق ریاست چھتیس گڑھ میں ہوری لال نامی شخص ناراض بیوی کو منانے میکے گیا لیکن جب اس نے ساتھ جانے سے انکار کیا تو وہ ٹاور پر چڑھ گیا۔
وائرل ویڈیو میں اس شخص کو 75 فٹ اونچے ٹاور پر چڑھا دیکھا جاسکتا ہے۔
بعدازاں پولیس موقع پر پہنچی تو انہوں نے اس شخص کو نیچے آنے کے لیے منایا لیکن کوئی فائدہ نہیں ہوا تاہم جب پولیس والوں نے اسے یقین دلایا کہ وہ اس کی بیوی کو واپس بھیج دیں گے تو وہ قائل ہو گیا اور ٹاور سے نیچے اتر گیا۔
पत्नी को लेने ससुराल पहुंचा था युवक ससुराल वालों ने नहीं भेजा तो पति बन गया शोले फिल्म का धर्मेंद्र और चढ़ गया हाईटेंशन टावर पर.. pic.twitter.com/jXyPJx1pua
— alkesh kushwaha (@alkesh_kushwaha) September 21, 2022
ٹاور سے اترنے کے بعد پولیس والے اسے اپنے ساتھ تھانے لے گئے۔ اس کے سسرال والوں کو بھی پوچھ گچھ کے لیے تھانے بلایا گیا۔
بھارتی میڈیا کے مطابق یہ معلوم نہیں ہوسکا کہ ہوریلال کے سسر اپنی بیٹی کو شوہر کے ساتھ بھیجنے سے کیوں انکار کررہے تھے۔
عینی شاہدین نے بتایا کہ اس منظر نے انہیں 1970 کی دہائی کی بلاک بسٹر ‘شعلے’ میں دھرمیندر کے کردار کی یاد دلا دی۔
