بھارت میں ٹرین کے نیچے 250 کلو میٹر تک سفر کرنے والے نوجوان کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق جبل پور ریلوے اسٹیشن سے حیران کُن ویڈیو سامنے آئی جہاں نوجوان کو ٹرین کے نیچے سفر کرکے خطرناک اسٹنٹ دکھاتے ہوئے دیکھا گیا۔
نوجوان کو داناپور ایکسپریس کے پہیوں کے درمیان انڈر کیریج کے معمول کے معائنے کے دوران دیکھا گیا جس پر خوف و ہراس پھیل گیا۔
ریلوے ملازمین اور لوگ اسے ٹرین کے نیچے دیکھ کر حیران رہ گئے۔
نوجوان نے پوچھ گچھ کیے جانے پر انکشاف کیا کہ اس نے اٹارسی سے جبل پور کا سفر کیا تھا اور تقریباً 250 کلو میٹر تک کا فاصلہ طے کیا۔
بعدازاں کیریج اینڈ ویگن ڈپارٹمنٹ کے عملے نے اس پولیس حکام کے حوالے کردیا۔
واقعے کی ویڈیو سوشل میڈیا پر وائرل ہورہی ہے جس میں نوجوان کو ٹرین کے نیچے سے نکلتے ہوئے دیکھا جاسکتا ہے۔
ریلوے حکام کا واقعے پر کہنا ہے کہ اس کی مکمل تحقیقات کی جارہی ہیں اور اس شخص کے خلاف اس اقدام پر کارروائی عمل میں لائی جائے گی۔
