دنیا بھر میں کروڑوں لوگوں کے دلوں کو چھو لینے والا سری لنکن گلوکارہ ‘یوہانی دیلوکا دی سلوا’ کا گانا ‘مانیکے میگا ہیتھے’ اب عربی زبان میں بھی آگیا ہے۔
تفصیلات کے مطابق مانیکے میگا ہیتھے سری لنکن زبان میں وہ گانا ہے جسے دنیا بھر میں سنا جارہا ہے، لاکھوں لوگوں کو گانے کے بول سمجھ نہیں آئے لیکن پھر بھی وہ اس کی منفرد دھن کی وجہ سے گرویدہ ہوچکے ہیں۔
اس گانے کا انگریزی، ہندی، تامل اور بنگلا ورژن بھی آچکا ہے جبکہ مستقبل میں مانیکے میگا ہیتھے دیگر کئی زبانوں میں بھی ترجمہ کیا جائے گا۔
گانے کی دل لبھانے والی دھن اور یوہانی کی جادوئی آواز سامعین کو اپنے سحر میں جکڑ لیتی ہیں۔
پاکستان اور بھارت سمیت دنیا بھر میں اس گانے کو اب بھی پسند کیا جارہا ہے، شوبز انڈسٹری کے معروف ستاروں نے بھی اس گانے پر ڈانس کی اپنی ویڈیو شیئر کی۔
ماروا خلیل نامی عرب اداکارہ نے اپنے انسٹاگرام اکاؤنٹ سے عربی زبان میں مانیکے میگا ہیتھے گانا شیئر کیا۔
View this post on Instagram
