پاکستانی نوجوان نے 18 سال تک تنہا زندگی گزارنے والی والدہ کی دوسری شادی کروادی جس کی ویڈیو سوشل میڈیا پر وائرل ہوگئی۔
پاکستانی لڑکے عبدالاحد نے 18 سال بعد والدہ کی دوسری شادی کروادی جس کی ویڈیو کو سوشل میڈیا صارفین کی جانب سے بھرپور پذیرائی مل رہی ہے۔
عبدالاحد نے سوشل میڈیا پر ویڈیو شیئر کرتے وہئے لکھا کہ ’کس طرح اس نے اپنی ماں کی شادی کروائی اور اصرار کیا کہ وہ زندگی میں خود کو دوسرا موقع لازمی دیں۔
View this post on Instagram
نوجوان نے نکاح کی ویڈیو شیئر کرتے ہوئے کہا کہ ’گزشتہ 18 سال میں، میں نے اپنی پوری کوشش کی کہ کس طرح اپنی والدہ کو اپنی حیثیت کے مطابق بہترین زندگی فراہم کروں کیونکہ انہوں نے اپنی پوری زندگی ہمارے لیے وقف کردی۔‘
عبدالاحد نے پوسٹ میں لکھا کہ ’والدہ بھی اپنی پرسکون زندگی گزارنے کی حقدار ہیں، اسی لیے میں سمجھتا ہوں کہ میں نے بالکل ٹھیک فیصلہ کیا، میں نے والدہ کے اس فیصلے میں ان کا ساتھ دیا اور انہیں راضی کیا کہ زندگی میں دوسرا موقع ضرور لیں۔‘
انہوں نے لکھا کہ ’یہ انتہائی مشکل فیصلہ تھا جو میں نے کیا لیکن میری زندگی میں والدہ سے بڑھ کر کوئی نہیں ہے۔‘
نوجوان ک یجانب سے والدہ کی دوسری شادی کروانے کی کہانی کو سوشل میڈیا صارفین کی جانب سے خوب سراہا جارہا ہے اور صارفین ان کی والدہ کو دعائیں دے رہے ہیں۔
