پاکستان اور جنوبی افریقہ کے درمیان ون ڈے میچ کے دوران سعود شکیل ٹیمبا باوما سے الجھ پڑے جس کی ویڈیو سوشل میڈیا پر وائرل ہوگئی۔
سہ فریقی سیریز کا تیسرا ون ڈے میچ پاکستان اور جنوبی افریقا کے درمیان کراچی کے نیشنل بینک اسٹیڈیم میں کھیلا جارہا ہے جہاں کپتان ٹیمبا باوما 82 رنز کی شاندار اننگز کھیلنے کے بعد رن آؤٹ ہوئے۔
ٹیمبا باوما کے رن آؤٹ ہونے کے بعد سعود شکیل کی جانب سے پرجوش انداز منایا۔
باوما نے بیک ورڈ پوائنٹ پر لینتھ ڈیلیوری کھیلی اور فوری سنگل لینے کی کوشش کی لیکن ساتھی کھلاڑی نے ہچکچاہٹ کا مظاہرہ کیا اور باوما پچ کے بیچ میں پھنس گئے، بیک ورڈ پوائنٹ پر موجود سعود شکیل نے گیند کو اسٹمپ کی طرف تھرو کیا اور تھرڈ امپائر نے انہیں رن آؤٹ قرار دیا۔
سعود شکیل کو خاص جارحانہ انداز میں جشن مناتے ہوئے چیخے اور جنوبی افریقی کپتان کو گھورتے ہوئے دیکھا گیا۔
اس دوران ساتھی کھلاڑی نے سعود شکیل کو ہٹا کر معاملہ ختم کردیا۔
