لندن کے ایک گھر میں چارجنگ کے دوران ای اسکوٹر دھماکے سے پھٹ گئی جس کی ویڈیو سی سی ٹی وی کیمرے میں محفوظ ہوگئی۔
پوری دنیا میں ای اسکوٹرز کا رجحان بڑھتا جارہا ہے لیکن ان گاڑیوں میں حفاظتی اقدامات کو برقرار رکھنے کے لیے ابھی بہت کچھ کرنا باقی ہے کیونکہ ان میں چارجنگ کے لیے بیٹری لگی ہوتی ہے جس سے نقصان کا اندیشہ بھی ہوتا ہے۔
حال ہی میں لندن کے ایک گھر میں چارج ہونے والی الیکٹرک اسکوٹر میں کچن میں چارج ہوتے وقت آگ بھڑک اٹھی جس کے بعد زور دار دھماکا ہوگیا۔
واقعے کی ویڈیو گھر میں نصب سی سی ٹی وی کیمرے میں محفوظ ہوگئی جس میں دیکھا جاسکتا ہے کہ گھر کے کچن میں ای اسکوٹر کو چارج کیا جارہا ہے اسی دوران اس میں سے دھواں نکلنے لگ جاتا ہے اور پھر آگ بھڑک اٹھتی ہے۔
WATCH: We've released frightening footage of an e-scooter battery explosion with a #ChargeSafe plea. Fortunately no one was seriously hurt but residents of the shared house in #Harlesden had to be rehomed due to the devastation. https://t.co/96LoDuBxRh pic.twitter.com/iHQ8MCnEgj
— London Fire Brigade (@LondonFire) May 18, 2023
لندن فائر بریگیڈ نے ویڈیو کو اپنے ٹوئٹر ہینڈل پر ایک کیپشن کے ساتھ شیئر کی جس میں لکھا ہے، ہم نے چارج سیف کی درخواست کے ساتھ ای سکوٹر کی بیٹری کے دھماکے کی خوفناک فوٹیج جاری کی ہے۔
خوش قسمتی سے، کسی کو شدید چوٹ نہیں آئی، لیکن تباہی کی وجہ سے گھر کو نقصان پہنچا ہے۔
ایل ایف بی نے کہا کہ اس سال اب تک دارالحکومت میں 48 ای بائیک اور 12 ای اسکوٹر میں آگ لگ چکی ہے۔
ای سکوٹر کے مالک ڈیل ولیمز نے کہا کہ انہو نے دو ہفتے قبل ای اسکوٹر خریدی تھی تاکہ انہیںں لندن کے گرد گھومنے میں مدد ملے۔
