بھارت میں مصروف شاہراہ پر ایک شخص نے چلتی گاڑی سے نوٹ اڑا دیے جس کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق ریاست ہریانہ کے شہر گروگام میں ایک شخص نے حال ہی میں ریلیز ہونے والی ویب سیریز ’فرزی‘ کے سین سے متاثر ہوکر سڑک پر نوٹ نچھاور کیے جس پر پولیس حرکت میں آگئی۔
اے سی پی وکاس کوشک کا کہنا ہے کہ نقدی نچھاور کرنے والے شخص کی شناخت کرلی گئی جبکہ واقعے کا مقدمہ بھی درج کرلیا گیا اور مزید تفتیش جاری ہے۔
#WATCH | Haryana: A video went viral where a man was throwing currency notes from his running car in Gurugram. Police file a case in the matter.
(Police have verified the viral video) pic.twitter.com/AXgg2Gf0uy
— ANI (@ANI) March 14, 2023
پولیس کو سوشل میڈیا پر وائرل ویڈیو سے واقعے کا علم ہوا جہاں گالف کورس روڈ پر کار سے کرنسی نوٹ پھینک کر فلم کا منظر نقل کرنے کی کوشش کی گئی۔
پولیس کا کہنا ہے کہ آئی پی سی کی مختلف دفعات کے تحت واقعے کا مقدمہ درج کیا گیا ہے جبکہ مذکورہ شخص کو بھی جلد گرفتار کرلیا جائے گا۔
اس سے قبل جنوری میں بھی اسی طرح کی ایک ویڈیو سوشل میڈیا پر سامنے آئی تھی جس میں ایک نامعلوم شخص کو بنگلورو کے کے آر پورم فلائی اوور سے نیچے کھڑے لوگوں پر بظاہر نقدی پھینکتے ہوئے دیکھا گیا تھا۔
An unknown person allegedly threw cash (Rs. 10 notes)from KR Puram flyover in #Bengaluru. There was rush from people to collect the cash. It lead to frenzy. Cops are investigating and trying to identify the person #Karnataka pic.twitter.com/kx8mSxklsR
— Imran Khan (@KeypadGuerilla) January 24, 2023
