سوشل میڈیا پر آئے روز نت نئی ویڈیوز وائرل ہوتی رہتی ہیں جسے دیکھ کر لوگ دنگ رہ جاتے ہیں۔
ایسی ہی ایک ویڈیو بھارتی ریاست بہار کے ضلع مظفر پور سے سامنے آئی ہے جس میں عجیب و غریب جانور کو دیوار پر چلتے ہوئے دیکھا گیا۔
اس جانور کی ویڈیو سوشل میڈیا پر تیزی سے وائرل ہورہی ہے اور اسے اب تک لاکھوں دیکھ چکے ہیں اور اسے دیکھ کر خوفزدہ بھی ہورہے ہیں۔
ویڈیو میں جانور کو ایک کمرے کے اردگر گھومتے دیکھا جاسکتا ہے اور یہ تیزی سے دیوار کے ریک پر چل رہا ہے۔
बिहार के मुजफ्फरपुर जिले में एक विचित्र जानवर देखा गया है। इस जानवर को देखने के लिए काफी भीड़ इकट्ठी हो गई। #Bihar @Live_Hindustan pic.twitter.com/JB4AgEXiIc
— Hindustan UP-Bihar (@HindustanUPBH) August 24, 2022
یہ واضح نہیں ہوسکا ہے کہ یہ ویڈیو کس جانور کی ہے لیکن سوشل میڈیا صارفین کی جانب سے اندازے لگائے جارہے ہیں، کچھ لوگوں نے اسے کتا کہا جبکہ کچھ اسے منگوز سمجھ رہے ہیں۔
زیادہ ترین لوگ جانور کو دیکھ کر الجھن میں اور خوفزدہ نظر آئے، ایک صارف نے مزاحیہ انداز میں لکھا کہ یہ سانپ اور کتے کا مکسچر ہے۔
بھارتی میڈیا رپورٹس کے مطابق اس عجیب و غریب جانور کو دیکھنے کے لیے لوگ دور دراز سے دیکھنے کے لیے آئے تھے۔
